Amadeus tönt's us allne Rohr
und alli Popfäns si ganz Ohr.
Der Falko het, das isch jo glacht
us ein Mozart jetz e Schlager g'macht.
Jetz find'sch denn morn im Plattelade
öise Schnitzelbank i der Hitparade.
Mir göi gäre öppe zu de Bure
go d'Hüener und go d'Chutschi fuere.
Bim Höie und im Herbscht bim Maise
hei mir öppe dörfe reise.
Doch hei die hüt so Riisedinger
und gäbe se nümme us de Finger.
S'git liebi Lehrer, nätti Lehrer
S'git ou cheibe gschiidi Lehrer.
S'git eine wo Basetti heisst
und aui Voguschtimme weiss.
Ou schportlech isch er ziemli do -doch
bim Tschutte muesch ne gönne loh.
Der Voguschutz schützt s'Fäderfeh.
Doch wie si's schütze duet öis weh.
Mer g'säi se mit ein Abgas - chaare
der Born z'deruf i d'Hütte fahre.
Dört trinke si denn Bier und Wy
bis d'Vögel i ihrem Chopf in si.
S'Läbe isch gar grüsli hart,
vo öisem arme Schuelabwart.
Ständig muess er d'Chind bewache,
dass si keini Trämp ine mache.
Schtatt z'kontroliere wär doch guet,
wenn er öis d'Schueh grad putze duet.
Der Otti Schtich, dä het's chli glitzt.
Drum het er jetz der Arm iigipst.
Dass er wider schnäll duet gsunde,
hei's ne vor e Buuch ihm bunde.
Do seit d'Frou Doof zu der Frou Depp
"Lueg wi dä e Ranze het".
Mi Vatter hockt im Summer zmitzt.
s'isch heiss, sis Hömmli isch verschwitzt.
Er hocket do mit blutte Scheiche
und d'Mueter muess ihm s'Bierli reiche.
Und wüsst'er was er mache tuet?
Er het es Abfahrtsrönne gluegt!
Der Eigesatz, der Schef vo öis,
het im Dokter g'schänkt es nöis,
es nigunagunöis Alphorn,
das er cha schpile uf ein Born.
Doch dä isch haut e chli e Niete
drum chasch das Horn als Hörrohr miete.
Ei Beiz het off, das isch nid gnue,
denn s'Pöschtli hed hüt ou no zue.
Mir singe jetz am Schtägegländer
oder s'nöchscht Mou im Septämber.
A der Chöubi würd's öis reize
dört hätt's de sicher gnüegend Beize.
Der Öpfu g'heit vom Schtamm nid wit,
ou i der schöne Fasnachtszyt.
Mir singe, dichte musiziere
und Dir döit fliissig applaudiere.
Drum hei mir gseit, kei Angscht und Bang
was die Grosse chöi, chöi mir scho lang.
