D'Männerturner, Johr für Johr,
göi uf d'Reis mit vöu Humor.
Bim Wandere denne ume See,
het der Bäni es Brüschtli gseh,
är luegt no zrugg und isch verlääge,
und plumps - fisch är im See inn glääge.
Dr Grütter Germi het wie d'Buure,
gäng e Schtumpe i dr Schnuure.
Är cha nid läbe ohni Schtumpe,
verzichtet lieber uf e'ne Humpe,
und wenn' ne ohni Schtumpe gsesch,
de goht's ein Germi wirklich bös.
Bim Wyss Trudi het me wieder g'schtohle !
Mir frooge'n öis, was dört chasch hole.
Ihri Stütz het si doch nümme do,
die si scho lang i d'Stöckalp ufe cho.
Es chönnt aber si, dass es paar so Rueche,
im Kiosk inne göi go Streusalz sueche.
Anstatt am Sunntig z'Chile go,
hei d'Chappeler jetz e nöue Floh:
Si düöi mit Iifer bi sich dehei,
d'Pfiffe bloose, wo si poschtet hei.
Und mit ein Gäld vo de Pfiffe-Rähme
Bout dr Schriiner Ritter es Schöpfli zäme
Dr Wyss Roland, dä b'hauptet stuur
bim Möbu Pfischter unde z'Suhr:
"I bring n'ech Waar vom Möbu Lack,
dr Liiferschiin han'ig im Sack."
Doch gschiider wird me nur dur Schaade:
Är het vergässe, d-Möbu z'lade !
S'Mariili muess jetz schweisse lehre,
dr Hansli söu chönne Röschti chehre.
Als nöchschte Schritt für gliichi Rächt,
mir finde, dä isch gar nid schlächt,
müesse d'Lehrer Stäge fäge,
und d'Lehrerinne Schnurrbart träge.
In Hägedorf, do wei die Affe,
es Sonderabfaudepot schaffe.
Die finde das die dümmscht Idee
und wei dä Güsu gar nid neh.
Wie wär's drum, statt dä Mischt z'verschtecke,
mi würd dermit grad s'Dorf zuedecke.
Au mir hei si am Färnseh gseh,
die Schi-WM im Montana-Schnee.
S'isch schpannend gsi wie fasch no nie..
Nur Oeschtricher hei'mer keini gseh.
Die si nid cho, die fuule Cheibe,
wöu me nur die erschte drisg duet zeige
D'Antonia Wyss, die chrampft dur's Johr,
i ihrem Garte, das isch wohr.
Ihre Franz het's grosse Glück
am Orgelebasar usedrückt.
Jetz cha si denne ohni Spese
dr Garte mit ein Väspa freese.
Dr Vögeli Heiri tuet gärn schniide,
Böim und Blume, Büsch und Wiide ...
Und wenn är nüd me z'schniide het,
nd doch no gärn chli schnäfle wett,
denn macht är, um sich Ziit z'vertriibe,
Böüm us Iisch zum Abeschniide.
S'het Militär i dr ganze Gmein.
S'git Biscuit, Schoggi - ou dasch fein.
Si chriegerle i au'ne n'Egge,
si abekämpft und uf de Wegge.
Im Schuelhuus hei si, dasch e Hohn,
dr Basetti verhaftet als Spion.
Heilandsack, was chönnt das si ?
S'isch weder Schnee no'ne Monoschii.
Es fisch kei Chnätt und isch keis Zält.
Mir wüsse nur, es choscht vöu Gäld.
Jetz chunnt's de glii, s-wird immer klarer,
s'isch e Gritibänz vom Unternährer.
