D'Bräntezünftler si scho rächt
aber hüt do hei si Bäch
im Zunftlokal do isch's passiert
dört wärde mer vöu kritisiert
düet euch nume nit beklage
uufrume duet ou euch nit schaade
Ou, das schmöckt jo schön dernäbe
d'Aenisbrbtli si vergäbe
dr Füürwehrma weiss nid genau
was bacht de do au mini Frau
Lädergärbers düe derbi
statt Aenis aber, Chümmi dri
Dä auti grüeni Lotterwaage
vom Krieg Fritz lit eus uf em Maage
suech aus Gömper jetz dis Heil
ä fahrendi Schmitte wär no geil
gitz a dr Chöubi es WC
oder setz ä Bar für ä Tennisclub geh
Letzschtin bin i z'Basu gsi
und ha doch dört dr Brack Fritz gseh
was macht dä do, chasch mi informiere
wot är für d'Fasnacht schpioniere
nei, är stöut dort sini Höuge us
weu's z'Chappu scho het, i jedem Huus
Wenn du dis Heim losch boue us
hesch e schwarzi Chatz vorem Huus
die Chatz die ghört im Hagme Chlaus
dä isch Archidekt und macht dir aus
pass uf pass uf uf di Kontosatz
dass Du im Sack, nit choufsch die Chatz
Wie aut isch äch jetz d'Bräntezunft
das isch doch für eus kei Kunscht
mir wüsse's auo und singe's im Chor
ufem Buggu heisi hüt zä Johr
was wei si mache zu dam Fescht?,
si göi nach Rio, mit eus aus Gescht
I dr Zytig stoht's, schwarz uf wis
dr Bundesröti goht's ganz mies
vom Bundeshuus, do fahrt si weg
mit Polänteschutz dr ganzi Wäg
was het si äch?, Iueg's e n'a
d'Lisäbeth Kopp het, Hans w. (eh) gha
Vo de Schlooflüss no haub bling
schtoht är i dr Duschi in
was chunnt de do vom Wasserhahne
esch das no Wasser? - heitere Fahne
nei das esch Gülle, gsesch es i
di cha nur vo Günschbärg si
D'Outner Badi isch jetz gschlosse
aui zäme si verdrosse
z'Chappu gitz e Schueuhuusbrunne
mit Sprungbrätt und so zug drumume
und s'Billet zum im Brunne z'bade
chasch choufe im neue Pema-Lade
Am Morge isch der Bus nit cho
und het mi dus Io umeschtoo
drei Hüfe Stei han i ghöre sage
si im Wäg am Bode gläge
so grosse Seich chasch nur abloo
wenn du vo Fulebach duesch cho
