Wenn's gwitteret und schtürmt und windet
Wenn Chind und Chegu Im Huus verschwindet
Wenn Niemer uf dr Stross spaziert
Und öise Dorfbach Hochwasser füehrt
De het dr Brack Fritz s'isch ned erfunde
E Swimming-Pool im Chäuer unde.
S'git es Männerstripplokal
S'heisst Chippendales, doch s'isch egal
Öisi Turnerunterhautig
Het immer wiemeh e settigi Hautig
Alli Fraue si hypnotisiert
Wenn dr Sonderegger d'Brust demonstriert.
D'Lisebet Bär stoht halb verfrore
Wo si die Löt duet se sech froge ?
Die Turnerinne si ned cho!
Sie wei nor bi schön Wätter go.
Aune Andere het mes gseit,
Bim 180-i, dass höt seicht.
Was isch das för es Loch do hinde?
Wott dr Dani Wyss do e Goldschatz finde?
Oder git das s'Chappeler U-Bahn-Netz?
Wär d'Antwort ned weiss, däm säge mers jetz
Das isch doch klar, was die do grabe
Für d'Lorraine e Lift uf Australle abe.
La La La La La La La, Ni Ni Ni Ni Ni,
Du Du Du Du Du Du,Du, Ne Ne Ne Ne Ne,
Das esch kei Schlager, nei das ned,
Das isch dr reformierti Chilechor-Hit.
S'göi zwöi is Chino ganz elei,
Chöme aber glii weder hei.
"Hätte-mer döch besser d'Männer mitgno
De hätte mer vilech zwee Plätz öbercho."
Jetzt schisst's se aa, si flueche lils,
S'Baumgartner Hanni und s'Kathrin Wyss.
S' get au Johr einisch Orangschä, Zitrone
Blaui Zwätschge, gäli Banane.
Im Summer git's au Erdbeeri
Und Hirn- und Brom- und Heubeeri.
Mer froge öis aber würklech wiso,
Dass d'Schorniggeli nie zum rufe si cho.
S' isch Unterhautig vom Männerchor
S' wert tanzet und gsonge, me esch ganz Ohr.
Dr Selebam Ruedi macht e Schwan
Und gumpet ume wie ne Hahn.
Doch lueget mou dä Ruedi aa,
Isch das ned e geile Maa ?
E ha gmeint e gseh ned rächt
Die Kostüm si jo ned so schlächt
Das Motto do die Hornussi
Das sette F/A 18 si.
Das isch nüm nöi, doch öisi Alte
Hei mängisch lang, bis si döi schalte.
