Oesi Alte meine immer,
Sie bruche keini Frauezimmer.
Doch lueget`s a ihres Fasnachtschleid.
Mer müese säge die döi öis leid,
jetzt hocke dene arme Tröpf,
d'Wiber scho uf ihrne Chöpf.
Z'Hägedorf do wei die Affe,
jetzt es nöis Dorfzentrum schaffe.
"Chrüüzplatz" nenne si die Gschecht,
mir finde das isch doch e Mischt.
Es würd für die viel meh useluege,
als Dorfzentrum e Ghüdergruebe.
Bi de Bank müesste si kei Gäld bsorge,
und ihri Chilbi chöi si gratis entsorge.
Dr Michael Jackson, Superstar,
isch e chli e Chinder-Narr,
Mit Buebe duet är gärn Ziit verbringe,
Und loht derfür Millione springe.
Für es paar Milliönli, das muesch iigse,
Dörft er au öis es Küssli geh.
Wenn's e Schiibe chrömmt bem ziggle
denn bliibet d'Schärbi lang no legge.
Wennd d'Duschbruuse esch verstopft
denn esch der Walti gar ned g'schockt.
Är fleckt das ned, was esch der Grond ?
wöu Abwart vo abwarte chonnt.
"U-S-A we are coming!"
Het dr Hodgson gmeint, a d'WM.
Um de Amis z'imponiere,
dömmer no es Tescht-Spiel organisiere.
Do hesch die Amis zittere gseh,
Und vom Zittere het's grad es Erdbebe geh.
Der Dambach gsesch ou öppe mou
i d'Höchi fahre met der Frou.
Dört wert denn irgendwo parkiert
ond denn der Sunne no spaziert.
Parkieret i der nöchi nie,
är duet drom ned gärn d'Bräms anzieh.
Är het's lo schpröze, s'het prässiert
ond scho isch`s Zwöitemou passiert.
Es Drittsmou wäri denn der Gäg
denn nemmt em s`Trudi s'Bilet wäg.
Z'Chappu gits e nöii Bank
und e Post am Chrüzlirank.
Derzue ou no e Tiefgarage,
wo de iine und ou uuse farsch.
Mer chönnte doch, der dörft nit lache,
im Peter Heim dört unde e Zirkus mache.
Am Sunntig got är mou id Beiz,
Denn d'Lampe fülle het si Reiz.
Am Morge fahrt är Gunzge zue,
Är fühlt sech mies, doch dasch nit gnue,
D'Schmier find das ou ond zum Bewiis,
nimmt si im Wyser Wäutu dr Fahruuswiis.
Wöu d'Outopartei jetzt ou duet dänke,
duet si öis die Männdli schänke.
Die Männdli si für öis e Sääge
ond ou der "AP" chöme si gläge.
Öis schütze sie scho früe am Morge
ond d`Outopartei cha d'Pnö entsorge.
Was röicheret und dampfet do
vo Oute wär fasch d'Füürwehr cho
und d'Äsche wo vom Himmel gheit,
d'Fasnacht isch fertig, het me gmeint
Aber: Äschemittwoch schtoht nit vor dr Töör,
das isch nur s'Hilarifüür.
