Play
Der Papi
Dir glaubets nid jetzt müesst dir lose
Der Papi / vor em Spiegel i de Underhose
Er schnitt Grimasse und schwingt sis Schwert
Streichlets aus wärs tuusig Franke wärt
Öis dunkts öppis stimmt nid // was isch do dra
Hey äch d Wikinger wörkli so Ränze gha.
Play
Wennn s Mami
Wennn s Mami zobe no schnäu wott ichaufe
Wird’s mit em Auto es Spiessruetelaufe
Im Chrützfäld töi si ständig baue
Ar Mittugäustross tuets ständig staue
Au s Unterdorf isch kei gueti Idee
Mami muesch haut eifach mis Kickboard neh.
Play
Uf em Born
Uf em Born do hangt e Schwiizerfahne
Ohni Bewilligung ghört die ned döt ahne
I dr Zitig duet me drum diskutiere
Söu mes oder söu mes NID toleriere
Doch das esch nüt gäge Mami sis Gschrei
Wehe dr Papi treit e Fahne hei.
Play
Dr Studerus Dome
Dr Studerus Dome wott s Auto starte
Das macht kei Wank / är tuet nid lang warte
Es Telefon / loht dr TCS lo cho
Es goht nid lang, do stoht dä do
Dr Service Maa tuet dr Schlüssu studiere
Statt dr Frau ihre settsch haut dine probiere.
Play
D Raiffiise
D Raiffiise bout en A-R-E-N-A
Riiise gross mit auem dra
Zuefahrt, Parkplätz, Fluetliechtalag
Zwüsche Chappu und Hägedorf a beschter Lag
För ne Bank finde mir das gspässig do
So ne Hütte und chasch nid mou Gäud useloh
Play
Dr Jäggi Sigi
Dr Jäggi Sigi nimmt im Auto Platz
Denn gohts i d‘ Ferie mit sim Schatz
Z Chiasso seit dr Zöllner der möit wände
Der Sigi fougt / duet kei Zit verschwände
Ufem Heiwäg fluecht se / setsch chli meh studiere
Und vor em furt goh am Auto d Nummere montiere
Play
Öise Lehrer schimpft
Öise Lehrer schimpft – das isch e Souerei
Dass mir ihn eifach duzed hei
Drum hei mir no i dr Schuel müesse bliibe
Und zur Strof 100 mol „ich darf nicht duzen“ schriibe
Wo dr Lehrer zrugg chunnt / isch är ganz irritiert
Mir hei drum dä Satz 150 mol notiert
Erstuunt frogt är / wurm machet dir so Sache?
Wöu mir DIR hei e Fröid wöue mache.
Play
Es Plakat macht
Es Plakat macht d Rondi ond tut wärbe
För aui wo öppis los wei wärde
Dr Papi strahlet wie nes Chind
Packt s Mami ii und goht ganz gschwind
Enttüscht chont er zrugg / und meint leider
A dere Frauebörse / wei si nume Chleider
Play
Mir hei zChappu es nöis Schuelhus
Mir hei zChappu es nöis Schuelhus
Ringsum Fäischter / das gseht super us
Am schönschte finde mir / das isch klar
S Lehrerzimmer so wunderbar
Wie nes Schaufäischter vomene Möbuhuus
Nur d Puppe drin gsäih chli komisch us.
Play
Es Zunfthüsli boue
Es Zunfthüsli boue git vöu z tue
Und sogar no es WC derzue
Gspart hei si dörte jede Franke
Damit s Zunftkonto nid zfescht tuet chranke
Jetz sammle mir mit dere Spändetäsche
Förne Wasserhahne // wo au mir d Händ chöi wäsche
Play
Im Chrüz
S git Lüt wo zobe nid chöi schlofe
För die isch das e Katastrophe
Im Chrüz gits drum / mir findes toll
Oropax e Chöbu voll
För d Hotelgescht wo nid chöi pfuuse
Wöu dr Peter und s Edith so lut döi schmuuse
Play
Instagram finde mir ganz cool
Instagram finde mir ganz cool
Bim Selfies poste gar nid fuul
Be Whatsapp si mer au derbii
Und uf Snapchat grad vorem Uftritt gsi
Nur is Facebook göi mer sicher nid dri
Wöu dört nur piinlechi Öutere sii
