Toulouse, 24.4.95
Hallo Zünftler und Froue
Ou i wär fetz gärn bi öich, es het mi groue,
Dass i bi gange zu de Wäusche und zletscht Nid dochasi, do a däm Früehligsfescht.
Ig hoffe Dir sit z'fride und s'esch öppis passiert
Nachdäm das Fescht dr Toni und dr Marcel hei organisiert. Was heit Dr gmacht so dure Tag?
Sit dr Dünnere abegschwumme, ganz ohni Chlag? Oder im Handstand s'Tuusigerstägeli ab?
Oder hei dr Hochschprung gmacht mit ein Schtab? Die Sache würde mi scho interessiere
Schriibet mer doch und döit mi informiere!
Denn s'duet mer leid, dass i ha müesse zruggträtte und das Amt übergeeh.
Doch ig verspriche s'nöchscht Joohr, do bin i wider do, und das umsomeh!
S' isch das Joohr e super Fasnacht gsee!
Es het mi gfröit, dass i mit Euch Naare ha dörfe zäme sii! Aber wie jedes Joohr han i mir gschwoore
S'nöchscht Joohr wirds besser, de houe mer ne d'Schnitzubänk richtig um d'Ohre !
Aber was redi vo morn, wenn me hütt scho cha feschte
z'erscht ässe und trinke, denn verdoue, das isch doch s'Beschte! Aber ig wott Öich jetz nümm lang schtöre
und vo öich öppis z'singe ghöre.
1 drinke uf Öich es Bier oder es Glas Wii
S'Warte isch verbi, drum stimme jetz aui ii...
"M m m m m mir chöme vo Chappu und das isch nit...
Mit welschen Grüssen
Euer Zunftbruder Christohp Kohler
