Ei du schöne, ei du schöne, ei du schöne Schnitzelbank
Dr Wältchrieg isch ein Änd zuegange
Und d'Mönsche hei grad früsch agfange;
Zämeputze und ufrume,
D'Wirtschaft fot fetz afo boome.
Jetz wo ändlich Ornig isch,
Isch Ziit, dass Du uf d'Wält cho bisch.
Gli het är mit und ohni Schade
D'Wält bewegt nach Strich und Fade.
Für mänge Lehrer isch dr Fritz e Schreck
aber wenn's mues si goht er voll a d'Seck
Nume dr Pfahrer Roetheli seit:
"Dr Fritz isch ein Tüfu ab ein Chare gheit."
I junge Johre, wie das so isch,
Wotsch luege, wie stark das ebe so bisch.
S'wird gschleglet und uf e Ranze gä:
"Dä verwütsch i no, dä Saucheib, dä"
E Dorn i sim Aug isch scho immer gsi,
Wär chönt's ächt si? Dr Gseueli!
Vor 25 Johr isch's gsi: "Jupihei!"
Wo die beide zäme ghürote hei.
So wie sie vereint hei s'Läbe agfange
Si sie dä Wäg au gmeinsam gange.
Dr Fritz het s'Vreni nid dr wäge hofiert,
Dass dr Poste vom Sektionschef au funktioniert!
(1979) nünzähundertnünesiebzig
Het dr Fritz i d'Linde grüeft zu nere Sitzig.
Gründet het är d'Bränte Zunft
Mit grossem Isatz und Vernunft.
Gründet het die Zunft drum, dä,
Dass är ein Gseueli wieder eis as Bei cha gä!
Allbekannt und immer do,
A dr Fasnacht isch bim Fritz das so.
Z'Chappu, z'Olte und au z'Wange
Gsesch d'Hotschi a ihm umehange
Dr Fritz isch ebe ohni z'wüsse,
Wältmeister worde im Hotschiküsse!
D'Fasnacht inspiriert dr Fritz
Bilder mole, wot dä Wunderfitz.
E Molkurs schänkt ihm s'Vreni do,
Gli drufabe mues dr Fritz de go.
Zum Start do heissts: "Bruchsch Bleistift und Gummi"
Frogt dr Fritz: "Mit weler Sorte Gummi chumi?"
Unzertrennlich, zweu ächti Fründe,
Vo dene fingt me keni Sünde.
Dr Christohp Aerni bringt's ihm by,
S'Mole und s'Zeichne, bi me Glas Wy.
Dr Fritz probierts uf sini Art,
Sit neuschtem spielt är drum Billard.
Als beste Zahntechniker het är agfange
Als hübschischte Reisefreak isch är de gange.
Landuf und landab, do gsesch dr Fritz reise,
Ganz glücklich und ohni im Verchehr umezmaise.
I dr ganze Schwiiz, das raues me erwähne;
Nume d'Buesse, die holt är sich z'Gunzge äne!
Mit de Auge gohts halt langsam bärgaab,
Dr Fritz aber isch halt e n'eitle Chnab.
Chunt öpis Hübsches, so leit är zum Checke
Die Brülle sofort i nöchste Egge.
Denn suecht är verzwieflet i aline Ritze,
Merkt nid, dass die Brülle uf dr Nase duet sitze.
Und öppe de het är au no ne Buess,
Z'Bonigc äne, wo n'är zahle muess.
Dr Tschugger, dä wot jetz ändlich dr Chlütter,
Dr Fritz dänkt: "Uuh, fetz hock i im Pflütter!"
Är grabschet und suecht: Ouh gopferdecku!
He, Toni, hesch Du nit no Gäld i dim Secku?"
Und wenn's ganz schlimm wird, seit är: Trallalla,
S'Vreni isch gfahre, das goht mi nüt a!"
Ganz stolz isch dr Fritz uf si Pizza-Ofe,
Macht Pizze für alli und au no für d'Gofe.
Uf e Bode; Tomate und Schwümm, dasch dr Trick,
Plötzlich aber traut är nümme sim Blick.
D'Tomate und d'Schwümm si im Ofe dernääbe,
Dr Teig aber isch uf ein Brätt bliee chläbe.
Si räklet sich bi ihm im Bett
Und är chraulet sie, i wett.
Trifft är sie uf dr Stross ganz elei,
So streichlet sie ihm gli scho d'Bei.
Mit wäm het dr Fritz das Rämi - Dämi ?
S'isch doch sis Chätzli, dasch dr Samy!
Liebe Fritz, und jetz zum Schluss
Wo das Fescht isch rächt im Schuss
Gratuliere zu Dine 50 Jöhrli mir
und nomol so viel, das gönne mir Dir.
Mir wünsche Dir für s'witere Läbe,
Viel Glück und Freud und Gottes Säg
Nimms Läbe halt grad so wie s'isch
Und blieb dr Grufti, wie de bisch!
