Geburtstaqs- und Hochzeitsfeier Klaus und Angela
Ei du schöne, ei du schöne, ei du schöne Schnitzelbank...
Der Chlaus ond s'Anschi hei ghürote
do döi mer öich nüt nöis verrote.
Ned öppe wöu si heige müesse,
sie wei nor s'Läbe sech versüesse!
Wösst der wieso, / die das hei gmacht?
he logisch -- wäg der Hochzit's-Nacht.
Wo Eg das ghört ha, / hani dänkt
Was het äch dä im Angie gschänkt
Wurum het äs jetz - nach langem studiere
Doch no Jo gseit - würd mi scho interessiere
dä het doch versproche - I gedrous fasch nid z'säge
är döig derfür nie / es Doupe träge
Vor ein Hochziit / si se go poschte
In Bernheim z'Aarau / s'darf scho chli choschte
Für e Chlaus do hei si gli öppis gfunde
Är isch jo schliesslech nid so ne runde
D'Verchäuferin seid / luegt s'Angie aa
Jetz möi mer no öppis / für d'Tochter ha.
-----------------------------------------------------------
Es Doupé / seid d'Verchäuferin / und lacht
Hät öich doch vöu jünger gmacht.
-----------------------------------------------------------
Met föfzgi esch är fascht perfekt
öise Chlaus / der Architekt.
Met boue esch's zwar so ne Sach,
d'Uftragslag / esch zemmli schwach.
Är jommeret ned, / är het Vertroue
duet lieber mou es Feschtli boue.
-----------------------------------------------------------
Der Chlaus dä esch jo füfzgi hüür,
e gloub das chonnt ne zemmli düür!
-----------------------------------------------------------
Met föfzgi do fot's afo bööse
im Chopf / ond ou bem Wasserlööse.
Der Chlaus het si Agända gsuecht
nach em erschte Bott -- Verfluecht!
Bim Outosetz vore - Zonderschtonde
het är drü mou gsuecht ond glich nüt gfonde!
Der Chlaus ond sAnschi si zwöi Gniesser
"Fast Fuud" fende si för Schpiesser!
Zom Ässe get's es GIesli Wii,
am Iiebschte darf's / Burgunder sii!
Der Chlaus het au / s'Rezäpt parat
för "Bränte-Herbschbott - Traktandesalat"!
S'Anschi esch e Sexi - Frou.
Der Chlaus dä weiss'-- mer ahne's ou.
Pischemaa / duet äs verpööne,
a Nachthemmli / chöig sech's scho gar ned gwööne.
Drom seit der Chlaus: / "Zurück zur Natur'
ond schlooft nor no / met Anschi - pur!
S'get ab ond zue e Zönftler-Reis.
S'goht loschtig zue, / s'get säute Meis.
Z'Keiserschtuel / hei mer guet g'schpese,
do hei n'is Lüt druf häre gwese.
"Wär esch das do, / wösst Dir dä Chli,
heit Dir do no e Mönch derbii?"
Der Chlaus chouft sech, / dä flotti Borscht!
För uf e See e Gommiworscht!
Die esch em glii mou z'chli ond z'gwöhnlech
drom chouft es Boot är / höchschtpersönlech.
Hüür hei si sech es Grössers kouft!
Es schöner's -- wo ned emmer Iouft!
-----------------------------------------------------------
Wenn das met öich so wiiter goht,
esch's Nöchschte scho es Flöguboot!
-----------------------------------------------------------
D'Anschela esch wie ne Rose,
mängisch ou e chli Mimose.
Der Chlaus dä het e grüene Duume,
är brengt se z'blüeie / chasch nor schtuune!
Im Badchleid chöi ou mer das gniesse,
bsonders denn, / wenn d'Chnoschpe schpriesse!
-----------------------------------------------------------
Der nöchschti Summer dä chonnt glii,
s'mues jo ned im Badchleid sii!
-----------------------------------------------------------
D'Anschela fot afo lache,
plötzlech / wärnd em Chuechebache.
Es liit kei Grond zwar of der Hand,
der Chlaus dä esch ganz durenand.
Der Wetz vo Geschter esch der Grond.
Wöu s'Anschi höt / scho nochechond!
-----------------------------------------------------------
Si ächt die Wetze glich chli wohr,
wösst Dir die met blonde Hoor?
-----------------------------------------------------------
Die Värse sige zemmli fräch.
mer wösse's scho, / dasch öises Päch.
Derbii het d'Anschela dä Schatz,
es grosses Härz / met huufe Platz,
mer näme Dee jo nor chli dra,
wöu mer Dee jo so gärn döi ha!
Samichlaus du liebe Maa,
gäu i muess kei Ruete ha.
Sali Chlaus / du liebe Maa,
hei muesch du e guete haa.
Dass Du öis alli hesch iiglade,
zu dim Geburtstag / zu däm grade
Mir danke dir / ond diner Frau
wenn sächzgi bisch denn chöme mer au.
So mer chöme jetz zum Schluss
und fröie öis no uf dä Gnuss
öb Fraue / Chinder / oder Maa
jede wo nes Värsli cha,
darf aus Dank so vöu mer wüsse,
und zur Belohnig / s'Anschi ? küsse !
