Jubiläum Bären-Zunft zu Wanqen 23.01.1998
Mer si cho, um Öich z'begrüesse
für Öis isch das denn gar kei's müesse
wöu mir hei scho lang vernoh
dass Dir fieret es Jubiläum do
mer wei Öich gratuliere und zwar zönftig
mir finde das nid me als nur vernönftig
wöu so ne grossi Geburtstags-Party
ned jedes Johr jo of Öich warti
Es viertu Johrhundert fieret der hüt
mer finde, dasch den öppe nümme nüt
gründet heit Dir öich do in Wange
es isch haut scho so, do bilbt me hange
Do sitzt si auso, die ganzi Bäre-Zonft zu Wange
und feschtet zünftig, mir schient Dir heiget s'Verlange
das Jubiläum do, so richtigt z'gniesse
am nöchste Morge, muesst d'ers büesse ??
Mir wünsche Öich för d'Zukonft
aues Glöck und vöu Vernonft
so dass Dir öber chorz oder lang
erneut zum fiere heit der Drang
Mir bringe au chli Chäs zum gniesse
ond zum dä schwemme, nimmt me Wisse
und ganz im g'heime dänke mer, dasch nid verpönt
öi Gurgeli die sige dä jo gwöhnt
So jetz wei mer no es paar Värsli singe
die sötte wohl i Oichne Ohre klinge
der wärdet die Värsli sicher verstoh
denn Wange liet jo nid irgendwo
Es si aus Värsli mit Vernonft
ebe vo der Bränte-Zonft
Heicho, heicho, heicho heicho grad jetz.
Heicho eis a d'Ohre ond denn ohni Z'Nacht is Bett!
Ganz speziell för höt hei mer - es Liedli iigschtudiert,
ond hoffe wäg däm Liedli wärde mer ned usegrüert.
Heicho
Wenn Zobe wotsch vo Oute hei, fahre via Wange,
bis of Chappu hesch e Schtond, z'Wange bliibsch haut hange,
Heicho
Der Ebner esch met sine Schtötz - ab i Kanton Schwiz.
Das närft die Zörcher zemli fescht ond si rüefe schpiz
Heicho
Banke fusioniere wöud - si das ned chli Naare,
d'Bääre met der Bräntezonft, das döi mer öis gloub Spaare.
Heicho
Der Meili het jetz doch Asyl, i der USA
me dunkt das witter ned so schlemm, dä chöi si gratis haa.
Heicho
Der Pöili z'Rom verchöndet öis der Haas, dä sig jetz Erz-
Bischof ond vom Förschtetom - e gloub das esch e Scherz.
Heicho
Der Göierbus fahrt dor Chliiwange ond mer seit denn glii no
Gäb's ou no es nöis Projekt - met ein Pendolino
Heicho
Of jede Nazi - Fuessballtrener - drenke mer chli Wino
das wächslet nämlech zemli schnäu, - fascht wie im Casino.
Heicho
Wenn d'Bääre müeh met Nachwuchs hei, - wörd's sech's vellecht lohne,
wenn mer vo öiser Bräntezonft, - öich paar wörde kloone.
Heicho
Das Jubiläum vo de Bääre het bis jetz no ghoue.
Doch suffet ned z'vöu ond ned z'lang, - süsch rüeffe öichi Froue.
Heicho
