Schnitzelbänke Hochzeit Reto & Barbara 2003
(Melodie: Si hei dr Wilhälm Täll ufgfüehrt..)
D'Iiladig vor Hochziit di chunnt öis chli gschpäschig vor
S'het Föteli vom Hochziitspaar II mou mit mou ohni Hoor
Si döi vöu küsse und ou Bilder // vo de Ferie si drbii
Nach öiser Meinig chöi das nur Kontaktaazeige sii.
Dr Reto gsesch ir Mittagspause dor d'Gasse dure flitze
Zum dr Schwümmring z'reduziere wott är im Fitness schwitze
Sit nid erschtuunt, dr Reto find, das müessi jetz haut sii
Sis Hochziitschleid isch momentan drum zwee Nummere z'chlii.
S'Chind isch unterwägs // dr Reto bir Geburt drbii
Das goot jetz schnäl, me hätts nit dänkt // und scho isch es verbii
Dr Reto nimmt sich zäme und erläbt die Sach ganz gfasst
Trotzdäm het är si eignig Polteroobe grad verpasst.
Früener het är nüt verpasst und alli Fäschter bsuecht
D'Barbara isch allei deheim, het öppe chräftig gfluecht
Doch, für sini alte Sünde // muess är hüt haut chräftig blüete
Jetz isch d'Barbara im Uusgang // und är muess d'Lea hüete.
Inere Frau zeigt eine d'Markesammlig // um Sympathie z'bechoo
Dr ander blöfft mit sinere Figur, dass d'Frou uf ihn duet stoo
(Jede het si Masche um bi de Froue z'lande)
(Ou dr Reto het e Trick // nur hei mir dä nie verstande)
Dr Reto macht das ganz speziell um bir Barbara lidruck z'schinde
Zeigt är ihre ganz vertraulich // si Molch im Zimmer hinde.
Der Reto isch e chline Künschtler, het scho mängi (vöu) Plakette kreiert
D'Barbara find sini Sujets toll, si isch ganz fasziniert
Die Striche und die Kurve hei se völlig inspiriert
Um im Reto d'Liebi z'zeige II het si sich drum tätowiert.
Langi Bei, das isch doch schön, das gsei mir Männer gärn
Doch döi mir nid sexistisch dänke, nei, das liit öis färn
D'Barbara het e nöie Mini, wo chliner nid chönnt si
Doch, oh Schreck, dä roti Mini isch es Outo gsi.
