Schnitzelbank über die HEI CHO - Einlage der Söiborschte
an der Fasnacht 1996
(gesungen am Sonntag Abend)
Öisi Brüeder i dr Zunft, die Grufties wo dört hocke
Die hei probiert / d'Idee wär guet / uf dr Bühni chli ume z'rocke
Am Gsang dr "HEI CHO" - Adrian mit si ner gwaltige Stimm
Säg Kathrin isch's bi Dir deheim würklech e so schlimm
A de Glöggli het dr Grufti wöue gross brilliere
Mir rote Dir dues s'nöchscht mou wieder mit Orgele probiere
Uf ein Schlagzüüg duet dr Martin / chli falsch derzwüsche böbberele
Mir froge öis isch är äch öppe au so schlächt im höpperle
Chöit Dir öis säge was dr Ruedi uf dr Bühni suecht
mir hei gar nid gwüsst dass so ne Bänd au Statiste bruucht
Dr Krieg Fritz duet sis Tambourine mit grosse Datze schloh
Öis dunkts dä hätt doch gschieder // Hammer und Amboss gnoh
Am Bass der Kohler Hansruedi, är macht e grossi Show
Du liebe Kohler dänk de dra, dä Bass dasch nid di Frou
Der Franz der Kanns sett sich chli me uf's Singe konzentriere
Und nid die ganzi Zitt nur sini Somesträng massiere
Pflotscher heit kei Angst / die wie öich nid konkurriere
Die versueche doch nume ihri falsche Stimme chli z'kaschiere
