I g'höre es Glöggli,
das lüütet so nät
worum goht der Ueli
so spoht erscht is Bett?
Er duet amene neue Huustyp studiere
dört cha n' er de s'Lüti am Balkon montiere
Rumpe di bumm, der Chrieg isch do,
Gunzge gäge Chappu,
uf Gunzge sette d'Schütze go,
doch die hei au d'r Rappu.
Schiesset doch im Schuelhusgang,
jede mit emene Bumerang.
Jedes Johr e neue Stand,
das isch die gross Devise.
D'Jungwacht het nid nume Guets,
si hei au Seich a'zprise.
"Der grescht Hit" das ghörsch d'r Markus sage,
"isch negscht Johr beschtemt d'r WC-Wage".
Mir hei kei Oel und au kei Gold,
das rupft a eusem Budget.
Mirhei nur Fremdindustrie
mir läbe vo de Dütsche.
Bim Neckermann chasch jetz scho bueche,
wo d'Sommerzyt-Insle chasch go bsueche.
Die Nadig hett e Bombeform,
und cha fantastisch gleite,
au d'Moral isch ganz enorm
vo euser Supper-Meite.
Si isch es richtigs Ski-Idol
doch s'nöchscht Johr fahrt si für's Südtirol.
Chappel isch es Schtürparadies,
zum Wohne ideal,
es goht fasch niemerem me mis
logisch isch dä Fall,
no 10% abe, so hei mir's g'hört lüte,
de chauft schint's eine im Nünlist si Hütte.
Fasnacht isch en alte Bruch
und immer afang's Johr.
Vo Wange isch e Fasnacht cho,
dä hei mer s'ganze Johr.
Dä hett, i ha mine Auge nit trouet,
am Hasewäg e Chüelturm bouet
