Statt spile düe si diskutiere.
Uf Pauke schlöi si au.
Dä Dirigänt duet imponiere,
dä isch jo meh als schlau.
jetzt düe mer eus aber ganz churz fasse,
süsch wärde mer au no fristlos entlasse.
Was isch denn au im Frohsinn z'ha?
Dört find't me fasch kei Platz.
Die Alte chönne gratis ha,
vom Hänsu "Bundesspatz".
S'nöchst mol git's gratis Pulebei
für die wo d'Sempach krieget hei.
Dr Cash flow isch es if an when
Bilanz die isch vermiest
Summa sumarum was isch es denn? "
Last but not Least".
Das isch, du gsesches a mängem Gsicht,
am Schmidlin si Finanzebricht.
"Glückspost", "Blick" und "Blatt mit Härz",
e Zitig i jedem Schueh.
Blettli us luter Schmalz und Schmärz,
z'läse hei mer gnue.
Was bruche mir no anderswitig?
D'Antwort heisst nume: "Kappeler Zitig".
Die Schiessanlag isch doch e Hohn,
mir wei e neui ha.
Es nimmt am Schütz doch jede Lohn,
wär glaubt ächt do no dra.
Im Schützehus hei mer immer es Risse.
Mir göi jetzt i Zuekunft dört häre go schisse.
Hormon im Fleisch, vo euse Chälber
Ihr Mäster basset uf.
Frässet doch das Fleisch au sälber,
aber d'Lüt die stöh halt druf.
Es wird sich bi dr Volkszählig zeige
weli Männli jetzt tanze dr Damereige
Bleich und ängstlich chöme si hei
vo dr Südamerika-Reis.
Si lahme jetzt a beide Bei
machet doch kei Mais.
Zum Samba tanze do hei si jetzt Muet.
Vom Schute verstöi si kei alte Huet.
Tschu, tschu, tschu e Städtezug
ratteret durch d'Schwiz.
Jedi Grosstadt chund zum Zug
nur Olte blibt absits.
Dr Ritschard Willi chönts jetzt finanziere
s'Bipper-Bähnli uf Olte z'füere.
