Der Cheigu-Klub hez jetz sogar e Fahne übercho.
Der Pouli het se zahlt, me weiss er het's haut immer no.
Si wiiche denn die fahne i und trinke no paar Helli.
"Und ani see de Fahnedräger, eissi Ponticelli"
D'Frou Verfassigs-Rots-Präsidentin isch öis e Begriff.
Ihre Maa heisst Felix, und er het ou zemmli Pfiff.
Als Hobby-Gärtner duet er immer sini Rose giesse,
doch wenn ne Jät-Salz schprütze duesch, de chöi si nümme schpriesse.
Vo England g'hörsch, dass d'Tätschere, d'Falkland-Insle bsuecht het
und der Anrew schtigt, mit der Sexy-Koo is Bett.
De sig no eine scharf uf Queen, er het se chönne gseh,
das wär beschtimmt e Fall für öises Sennetunschi gse!
Am Sunntig-Morge föif vor Zähni gseht me s'Trudy loufe,
es wott go Zigi, Schoggi und der Sunntigs-Blick verchoufe.
Eines Morgens chunnt kei Chund, es dänkt:"S'isch schad für d'Ziit!"
s'nöchscht Johr muesch halt d'Uhr verstelle, wäg der Summerziit.
Was isch ou los do z'Chappu mit de Lüt, si si verockt?
Mir wärde i der letschte Zit halt öppe e chli g'schockt.
Die cheibe Hächler-Blöck bim Hug, die sige schiint's viel z'rot
und ou der Beck vo Chappu heigi sälte Salz im Brot.
Zwe Russe-Aschtronaute und ei Aschtronautin flüge,
im Wältrum umenand und sette dört es Buschi züge.
Doch seit das Russe-Meitschi:"Nietschni Sex, i loh höt keine dra.
Ist möglich, dass hat Teleboy - versteckte Kamera!"
Das Risebord bi s'Fasnacht's wird ir letschte Ziit chli grüener,
derfür hei mir jetz neu es Hus, mit Leitere für d'Hüener.
Und schtatt Verputz und Farbe, gseht me nume bruni Schtei,
und amene Sunntig ganzi Schare, wo's beschtune wei.
E neue Virus macht sech breit i öisem Schwizerland.
Das E.T. - fieber schüttlet öis ganz g'hörig durenand.
Sogar bi der Wahl vom Bundesrot hed E.T. ei Sitz bsetzt,
der Egli isch haut s'Ebebild und het sech duregsetzt.
Bim Schriner Ritter unde duet me jetz es Trotwar boue.
Der Amme seit:"Dört git's e Rank, dä Boum wird nid um'ghoue!"
Jede Tag zwöi - drümol gsesch ne a der Bouschtell gaffe.
Wäg dem cheibe Nussboum chan er nur no Halbtag's schaffe.
Wenn eine frogsch:" Wär isch de populärschti Bundesrot?"
seit jede Chnirps:" der Willy!" doch der Willy heisst's dä goht.
Im BLICK schtoht das uf Site eis, im OT Site drei.
"Der Willy goht, am Sunntig-Morge - uf e Wisseschtei!"
