Nach ein Izug hockt der Dietu und der Röbi a der Bar
und chlöne: "Gueti Gönner si für d'Musig eifach schampar rar."
Bim heigo hei si denn, bim rote Lämpli inegschwänkt,
und die Wiibli hei ne hundert Schtutz i Passivkasse gschänkt.
Wär macht mit Koplimänt und Schwarzwaldtorte d'Froue schwach
und wär gumpet mit de Führwehrchleider jedes mol i Bach?
Und wäm gfrühre, früe am Morge, ohni Chappe d'Ohre i ?
Jo das cha doch nur, vom Kafi Ring, der schöne Heinzli si.
Wir haben eine alte Fehde wieder neu entdeckt.
Hui, wir haben uns mit unsern lieben Nachbarn angeeckt.
Ou mit der Viniette, hei mir no die glichi Bloog,
denn e Dütsche mit eine Chläber, isch halt immer no e Schwob.
E Härde Chüe die schtampft dur's Gras und rast dervo wie wild
und hindenoche fluecht e Kouboy, isch das nid es herrlechs Bild.
Das gsesch nid nur im Färnseh, nei das gseht me z'Chappu ou,
der Salzme-Schtäffi macht im Born, ou öppe ne Wildwesterschou.
Wenn's knatteret und tschättered und d'Rocker fahre us
denn flippe d'Lüt, im Poschtblock und im ganze Dorf, vor 'Ärger us.
Jetz wird's no schlimmer und jetz isch's im Fühler ou nümm schtill,
denn vo mene Wettbewärb het öise Kunscht-Poul ou no so ne Schtuel.
Wenn di gärn chli losch beschtäche und kei wiissi Weste hesch,
und bisch vorbeschtroft, will ou scho vor ein Richter gschtande bisch.
Wenn Dir das glich isch, dass ou jede Rekter bschisse cha,
bisch, für i'd Kantonsregierig, du der ideali Maa!
Fontessa, Schi und Chatzesand, e Fahrschuel het är ou
und e Ghüderabfuer und e Sohn im FC Willisou.
S'Marxe Ruedi macht mit jedem Ding es grosses Gschäft.
Jä weisch, e Doucherschuel i dine Glungge wäri ou nid schlächt.
Mir gäbe öich es Rätsel uf: S'isch öppis chli und rund,
und zähni zäme gäbe mit ein Fähnli, fasch es viertel Pfund.
Johr für Johr chli chliner, isch' s bald nur no für e Gluscht.
Die Unternährer-Patriote-Wegli git's am erscht Ouguscht.
I däm Balon do hocke zwe, wo z'Chappu jede könnt.
S'Näfe-Loränz und der Widmer, wüsst'er dä wo Schnäpsli brönnt.
Si tröime scho vo färne Länder und si richtig schtolz.
Leider isch die Fahrt scho z'Änd, do im Wald vo Cheschteholz.
Im ganze Dorf het är's verzellt: "Schluss i schtiige us.
i chouf mir im Aemmital, jetz es älters Buurehus."
Dä Chouf isch abverheit, sisch nüt drus worde, Gottseidank,
süsch chem der Friedli Hans sis Läbe lang nie me im Schnitzelbank.
