Mir hei e Färs öich singe welle, vo de zwe Bankié.
Vom Ritter Viktor und vom Bachure Sepp doch het's öis z'dänke geh.
Die zwee hei nand drum gar nid gärn, si si wie Hund und Chatz,
drum hei si ou, mir gsäi das ii, - nid uf ein gliiche Helge Platz.
Der Schtrobel Adi regt sech ut, das duet em gar nid guet,
är seit: "Das si jo alles Haase, do hed keine e chli Muet.
Mi gääl Parteibitrag dä hani s'letschte Mou öich gschickt,
denn do wird wie bi schwarze Negerli nur gnickt gnickt gnickt.
S'hett eine ufghört rouche und jetz isch är ganz perplex.
Jetz goht's doch plötzlech wider besser mit ein Singe und ein Sex.
Der Lämmli Röbi är het füfzäh mou scho ufghört gha,
aber är foht immer immer immer immer wider a!
Chappu macht e outofreie Sunntig tönnt's dur's ganze Göi.
Z'Chappu macht me das wöu die huufe Umwältschützer hei.
Das gitt doch gar nüüt z'lache, nei dir wärdet's scho no gseh,
denn das gitt de no e Priis - für die beschti Schnapsidee.
Alle Jahre wieder gitt's es Welorönne um e Born.
Die schtrample bis der Sattu rüücht und d'Schpannig schtiigt, es isch enorm.
E Schpitzegruppe isch verbii und glii chunt s'Fäud, was isch do loos?
Nei - das gitt's jo nid do triibt der Gottlieb' - Werner d'Chüe uf d'Schtrooss!
Wenn Fürwehr machsch bis auf gnue bisch, wenn aues louft nach Plan,
denn git's als sinnig's Gschänk e Wappeschiibe mit eure rote Hahn.
Der Bieli Martin het vo Beiz zu Beiz die Schiibe treit.
Deheime gheit är über d'Schwöue und - der Güggu isch verheit.
Es Gipfeli zum z'Morge und e Kafigrèm derzue,
wenn Hunger hesch, de iss no eis und schtriich no Anke chli drufue.
Im Novämber hesch mit schwarzem Brot, Vorlieb müesse nee,
denn aui chrumme Brötli si z'Gänf am Gipfuträffe gsii.
Ganz Dütschland schpinnt und fieberet s'isch klar für öis werum,
wäg ihrem nöie Teniswunder Boris Becker Bum-Bum-Bum.
weso me so nes Schnuderbüebli no als Mann des Jahres bringt
me under füfzg Millione Schwobe haut kei bessere fingt.
D'Frau Oeggerli goht a d'Wählerversammlig, vo der CVP,
die isch, dänkt si, jo sicher i der Linde, so wie eh und jeh.
"Ou het das e huufe Lüt, - mir si halt schtark, das isch enorm."
Doch sitzt si i der falsche Gsellschaft, - das si d'Förschter vom Kanton!
D'Oeschtricher hei es bizli Wy mit huufe Froschtschutz gmischt,
denn hei si Schprängschtoff dri do und hei öis verchouft de cheibe Mischt.
Mir löi n'is das nid biete, nei mir si doch nid so dumm.
Mir hei zruggschosse, leider e chli z'chorz, nur grad is Fürschtetum.
