Dr Chile-Mäxu isch no eine, vo der alte Sorte
Aer isch trotz strebe i dr Füürwehr, niemols Lütnand worde.
Jetzt liit är deheim unger sine Bäum
Und het vo der Füürwehr wildi Träum.
Der Rieder Willy isch in Panik, s'het Glattfis und kei Salz,
Jetz isch alles verloore, hopfe und au Malz.
Der Willy, dä isch raffiniert,
fahrt gliich und sein "Dasch s - s suponiert!"
Bim Brünu het der Marcel mol im Suff drü Hüener boschtet,
Weil sone alte Gluggere nur ei Franke choschtet.
Werum dä scho wider im Schnitzelbank schtoot,
Wel är so viel Seich abloot.
Im chappeler Wald gits schöni Schwümm, au gross im richtige Alter
"I weis wos e grosse Eichhaas hetl" So praalt der Richner Walter.
Verzell das nume dine Manne
Jetz schmoorter bim en'angere I dr Pfanne!
Dr Lack Fritz, euse Chüngu-Papst, verzellt e hufe G'schichte
drum weis me i dr Linde us, gar allerlei zum brichte
Bim Bier serviere duet är ganz schnäll handle
Und em Lisebeth si Rock ine Minijup verwandle.
Go steigere chasch a dr Chilbi z'Chappu,
mit Glück chasch denn au lande,
Dr Thalmann Chrigu het mit Glück, es Spinnrad düür erstande,
Nach es paar Fläsche, lööt är alles lo lampe
Und duet uf ein Heiwäg sis Redli vertrampe.
Z'Bonige im St. Urs isch gsi, s'Regionaljournal,
hei gfilmt für Euch die beide Schööne, ganz ohni e Skandal,
Weli vo beidne chunt ei, ei, ei
Als nächstes Mädchen von Seite 3
D'Vehzuchtgenossenschaft vo Chappu het es grosses Fescht
75 Joor wird gfiirt mit e hufe Gescht.
Die Buure döi sich schön plamiere
döi statt d'Chüe sich sälber prämiere!
Pinlech ischs ihm sicher gsi, eusem Peter Hueber
Wo d'Polizei ihn gstoppet het: "Die sit viel z'schnäll, Herr Hueber!"
Jetz wott är nümme mit 80 umefahre,
40 duets au für d'Chappeier-Naare.
Blinke,blinke, blinke, blink, s'isch jetz Zyt zum Schalte,
Stop-Stroos, Blinkliecht blinke, blink, für die wo nit cheu halte,
Das Blinkliecht zeigt, wo de Gas muesch gä
Dass im Frohsinn no schnäll es Bier chasch go nä!
