Wenn vo Wange richtig Chappu fahrsch, gsehsch an EXPOnierter Stöu,
Es gspässigs rots Gebäude und du frogsch di was das söu.
Jede Tag gsesch Prominenz ums Gebäude laufe,
Und uf dr Gmein do stöi si schlange, um Tageskarte z'chaufe.
Dä Rummu bringt dr Doktor Roland Ackermaa in Rage,
Die ganzi Schwiiz meint däm sis Huus - sig die 5. Arteplage.
Melodie Schacherseppeli:
E be dr Studer Hanseli, im ganze Dorf bekannt
Am Chilbi Sunndig chumi verbii und nime s'Bier id Hand
S'isch spot am Obe und i wett jetz au Füürobe ha
Doch är drinkt und singt no eis , s'muess aus so si /, ja ja
Z'Australie in Sidney döi si fäschte, fiire, johle
Si singe, tanze, gumpe ume, mache Gabriole
Mir finde das isch toll und möge ihne das au gönne
Doch hei die das nid falsch verstande dass dr Busch döig brönne
Dä früschi Wind, die Farb, das Läbe und dr gueti Ruef
Für d'Schwiiz, die si jetz haut ewäg und är suecht sich e nöie Bruef
Jetz hetts nur no vöu grau, e Huufe Staub und weni Hoor
I öisem ehrewärte schwiizer Diplomatekorps
S'Ruthli frogt dr Deiss, He Sepp, werum isch das eso
Dass dr Thomas Borer jetz so schnäu het müesse go
Do seit dr Seppli, Ruthli weisch dr einzig Grund wieso
Isch s'Iinestäche, umeschlo, duurezieh und abelo
E hätt doch gärn es Schätzli und e stränge mi au aa
Und a dr Chilbi sött's au nid so schwär si für ne junge Maa
E ha scho Inserat ir Tierwäut und im Schöner Wohne
Ha mir au überleit e Frau mit grosse Bübbi z'klone
So duet dr Kohler Urbi vo de Misserfolg chli gschlage
Im Kreisupfoschte truurig und elei sis Schicksau chlage
D'Kappeler Behörde, die döi vieles unterstütze
Aus wo Chind und Chegu und dr Gmeinschaft chönnti nütze
Si hei au ganz e guete Plan, wie d'Expo chönnt rentiere
Si göi i aui Expo Beizli Gäud go investiere
D'Boniger, die döi öis leid, dört duet me jetzt usstaube.
D'Füürwehr und au d'Poscht si wäg, si hei müesse draglaube
Mer hei jetzt eifach e chli Angst, mer chöi kei Uuswäg finde
Jetz chöme de no d'Beize wäg wo söue mer de singe.
Die Zwe do loufe d'Stross dörab, es esch grad Chöubi-Zit.
Der Närvekitzel duet se reize d'Bahne si nömm wit.
Billet choufe, Platz näh und jetz nur no d'Gurte schliesse
Doch der Gsöu isch z'dick drum chas der Pfarrer dopplet gniesse.
Dr Chasper Ruedi isch bim Sackhüpfe jetz denn am Ziil
Doch jetz lot är e Junge vüre, findet das heig Stiil
Dä Jung gwünnt jetz es Handy und är findt dä Zug no flott
Doch im Ruedi sini Frau, die findt är sig en Idiot
Verzeiht mir liebe Zünftler, het dr Dieter Bohlen gseit
Den Dialekt versteh ich leider nicht, es tut mir leid
Ihr Iinestäche, umeschloh, das tönt ja ziemlich froh
Doch singen wir dies Lied in Deutschland so:
Sie müssen nur den Nippel durch die Lasche ziehn
Und mit der kleinen Kurbel ganz nach oben drehn
Dann erscheint sofort ein Pfeil und da drücken Sie dann drauf
Und schon geht der Büstenhalter auf
Dr Dieter Bohlen schriibt es Buech, e ganze Huufe Gschichte
Wonär öis duet über sini Fraue Gschichte brichte
Das Buech muess me nid läse, s'einzige wo drin duet stoh
Isch: Inestäche, umeschlo, durezieh und abelo...
In Chappu uf de Strosse herrscht jetz denne Phase Rot
Dä Schwärverkehr vom Gmeindhuus vüre, bringt öis schwär in Not
Um dä stark Verkehr vo de Behörde z'unterbinde
Boue si e Metro zwüsche Frohsinn, Kreuz und Linde
D'EXPO die esch fertig, mir hei müesse Abschied neh
Dr EXPO Schrott isch jetz in Chappu, heit dir's au scho gseh
Vor der Linde stöi scho Pföhl, e Platform söu entstoh.
Und aui Gäscht vom Monolith, die duet dr Schaub Thomas empfoh
Öis dunkts dir machet bleichi Gsichter sigit irritiert
Het dr Wirt öich schlächte Frass und Zapfe-Wii serviert
Heit dir nid chönne schlofe, blooge öich z'Nacht öppe Quale
Oder heit dr geschter öichi Stüüre müesse zahle
Heit dir wägem Klima eso Rägewätter-Gringe
Oder si vor öis do inne d'Söiborschte cho singe
Bitte stöit schnäu uf, mir wei drum öppis usprobiere
Au no die dört hinde bitte, müesst öich nid scheniere
Jetz no d'Händ i Himmu hebe und dermit chli winke
Und derzue jetzt bitte no chli stampfe mit de Finke
Jetzt froget dir öich sicher was das bis zum Schluss de git
Mir hei nur wöue zeige: Dir machet jede Schiissdräck mit!
