Der Töff lo sägne of em Born, höuft vor Unfäu z'schütze.
Der Minder Heinz glaubt das duet doch bem Velo ou chli nütze.
Met müede Bei ond schweissgebadet fahrt är zum Pfarrer ganz nach voore.
Doch der Säge dä chont z'spot, dört gheit är of si grossi Schnoore.
Die Handys mit däm Schniggschnagg dra si eifach kompliziert.
Derbii wett Ig nur telefoniere, seit s'Esthi ganz frustriert.
Sie fluecht und schrubt und drückt am Grät, duet sogar ufs Display chlopfe.
Wie söu Ig nur die Easycard is Natel ine Stopfe?
A der Schuelhuusstross in Chappu chöis d'Mamis chum erwarte.
D'Motore hüüle, d'Reife quietsche, s'Rönne cha jetz starte.
Si si nervös und hocke scho i ihrne schnäue Chahre,
Und denn gohts los jetz chöisi grad dur Rönnschikane fahre.
Im Winter muesch go d'Summer- mit de Winterpneu ersetze.
Im Summer aber d'Summer- und ned d'Winterpneu iisetze.
Mir wüsse das isch kompliziert, drum chöi mers guet verstoh,
Dass d'Nicole Studerus s'letscht Johr die falsche druf het do.
Es Fahrverbot im ganze Dorf, söus in Bonige gäh.
Nur Zuebringer si erlaubt, so cha mes vernäh.
Mir froge öis, was das äch bringt, wär sösch, um Himmuswöue,
Würdi je mou einisch dur das Dörfli fahre wöue.
Dr Markus Wyss dä het Talänt, das isch unbestritte.
Fasch jedi Rolle chan är spiele loht sich nid lang lo bitte.
Einzig die als Casanova, bliibt ihm uf ewig verwehrt,
Mit alte löchrige Unterhose bisch bi Froue nid begehrt.
Mit Sack und Pack isch är a si Bestimmigsort verrreist.
Wo si denn mini Kollege wo – dä Platz isch jo verwaist.
Bi sim erschiene isch dr Kadi gar nid öppe entzückt,
Dr Nick Roger isch drum i WK e Wuche z'spot iigrückt.
Es lauft und lauft und lauft und lauft und lauft und lauft und lauft
Und lauft und lauft und lauft und lauft und lauft und lauft und lauft.
Damit bim Ruppoldinger Chraftwerk doch no öppis lauft
Het d'Atel jetz vom Gugelmaa, das Kunstwerk do abkauft.
Bes zom erste Huus ond zrogg besch du aus Pöstler gfährdet.
Met em Töfflihöum vor Post, wird drum d'Sicherheit ufgwärtet.
In Chappu bruchts das secher ned, mer finde das dernäbe.
Wenn e Frise wie der Öggerli hesch, muesch kei Höum me träge.
S'Fasnachtsmotto vo däm Johr isch mir exponiere öis.
Scho mänge het sech exponiert, das isch nüt meh nöis.
Dr Bush isch einisch zobe ines chlises Unglück gloffe.
Do si nid öppe Bretzel gschuld, dä isch eifach bsoffe.
Au dr 10 Millione Räuber het sich exponiert,
Doch jetz ir Chischte isch dä glaub höchstens no frustiert.
Dr Corti het trotz 12 Millione das cheibe Swissair-Glotter,
Nümme chönne rette wöu das chönnt nur dr Harry Potter.
Und denn gits d'EXPO.02 Lüt, wo sich exponiere,
Die wei immer no meh Gäld, und gliich nüt produziere.
Jetz wei mir ändlich au die Exponänte links lo si,
S'isch Fasnacht hüt und do si mir mit Liib und Seel drbii.
