Gmeinschriibere, Verfassigsrot, Frau Schmidlin, ei! ei! ei!
Kantonsrot ond Zivilere, schiint's Schef vo der Partei.
Hoffendlech, das wär de s'Gschänk,
macht die ned au no - - - Schnitzelbänk.
S'Liesebeth, das vom Sankt Urs, das het es nöis Nachthömmli.
Es regt sech aber gruusig uf, s'het scho es Loch drin nämmli.
Das isch es Bäch, dasch ned zom sääge,
s' isch nur ganz churz uf d' Bettfädere gläge!
S'goht loschtig, lang und lärmig zue a der Chöubi, dasch jo klaar.
Der Allenspach närft sech all Johr, wäg der Schützebar.
Hür het's en aber bsunders troffe,
denn d' Garasch het no länger offe.
Is Giness-Buech, das wär es Ziil, nor so met zwöi drü Wort.
Jetz hei mer's z'Chappu ändlich gschafft, mer hei e Wäutrekord.
Im Schuelhuus schtoht's met öisem Gäud,
die düürschti Glungge vo der Wäut.
Di Virus blogte Jommeri, so chasch's ir Zytig läse.
Hei Sitzig gha und sich beduuret, jetz gits e neue Bäse.
Mer wünsche dr'SP of jede Fall,
chli Vorwärts-, nid nur Retourdrall.
Der Linus hed mou chli agfange, jetz hed er scho drei Chääre.
Drum bouui är jetz z'Bonige, versuecht er öis z'erklääre.
Chappu dasch för ehn för d'Chatz,
är brucht e Helilandeplatz.
Bi de Nazionalrootswahlen fählt's Boniger Resultat.
Z'Oute warte si scho lang, aues isch parat.
So zöue esch halt scho verzwickt,
oder hei's is ächt mit B-Poscht g'schickt.
Dr Röbi Lerch dä bout es Huus, ganz gross im Schwarzwaldstyl
get's ächt dört no Hotelzimmer, was isch au sis Ziil?
Dr Röbi macht - muesch nor chli warte,
e Schiilift ond e Klättergarte
D'Politiker wünsche der Kreisverkehr,
- uf der Chrüzig im Zentrum vo Chappu.
Für d'Unfallduble uf der Stross und mit ein politische Rappu.
Politik und Kreisu, do chas der gruuse,
nach links chunsch dri, aber rächts nume use!
Es ghöderet, es seckelet, es wäiht e Kebag-Wind.
D'Lüt nämese und seckele zum Container gschwind.
Jede Bur het föif so Säckli z'guet,
wodri der Bund d'Subventione tuet.
Mir Emanze si hüt stouz, si a Streik go chiibe.
Döi futtere und giftele und alles hintertriibe.
Und das me eüs bewundere cha,
bruchts halt ebe no der Maa.
