Play
Statistike hei mer letschtin i dr Ziitig gfunde
Statistike hei mer letschtin i dr Ziitig gfunde
Suufe duet dr Schwiizer jährlich öppe 19 Schtunde
Im Durchschnitt het är 50 Mou Sex, i d'Chile goot är 20 Mou
Und im ganze Joor verspiist är ungefähr e Sou
Ou e Wärt us Chappu hei mer gfunde, döit ufpasse
Dr Durchschnittschappeler zahlt aaschliessend 5 Franke i öisi Kasse.
Play
Sunneblüemli, Nägeli, Margritli und Krokusli
Sunneblüemli, Nägeli, Margritli und Krokusli
Majerisli, Röseli und Vergissmeinicht - li
Sini Frou hett Blueme gärn, är wott ihre imponiere
Es Bluemechischtli zämestelle und grad no schnäu montiere
Doch S'Unterfange wott nid glinge, 5 Stund duet är sich plooge
Lisser Hämpe due doch s'nöchscht Mou e rächte Schriiner frooge.
Play
Nach em Züüg Abgää bim Militär
Nach em Züüg Abgää bim Militär no eis go nää
Und spöter i dr Bräntevilla hets de nüt meh z'Suufe gää
Im Bläsi Beni und im Nick het das gar nid gfalle
"Mir räche öis jetz uf dr Stell" ghörsch die beide lalle
Sofort hei si es Fass voll Wasser gstürzt, "Fall uf Knall"
Und der Verkehr uf Aarbig gleitet - "Wegen Ölunfall".
Play
Es Fahrt d'Claudia Castellani
Es Fahrt d'Claudia Castellani mit dr Tochter i Gäu Park
Jetz passet uuf, was dört passiert, das finde mir no stark
Wattestäbli, Seifi, Bluemechöu und Slipiilage
Ahand dr Iichoufslischte duet si aus i Iichoufswaage
Nach em Poschte, "hani alles", duet se sich überlege
"Ach du Schreck, mi Tochter spöut jo no im Chinderegge."
Play
Öisi Helde packe Koffer für uf Portugal
Öisi Helde packe Koffer für uf Portugal
Und alles dreiht sich dört denn um dä magisch Läder - Schuttiball
Si pässle, dribble, kämpfe, und scho gli gits blaui Fläcke
Dr beschti Schwiizer triffts nit s'Goal - Nei, im Gägner zmitts i Äcke
Play
D'Frou verreist
D'Frou verreist, dr Maa deheime zäme mit de Chind
Z'obe chunnt sie wieder hei und hett e rote Grind
A dr Turnfahrt vo de Froue, so hei mirs vernoh
Hett s'Kocher Ruth statt Sunneschutz e Tube Handcreme gno.
Play
S'Hunzikers wei i d'Ferie goo
S'Hunzikers wei i d'Ferie goo, s'Auto isch scho packt
Doch über d'Nacht do chunnt e Dieb und het das Auto knackt
Vom Heinz paar Chleider, im Bueb si Game Boy, het är mitloufe loo
E Souerei het als Dank dä Glünggi hinterloo
Mit em Impfuuswiis – dir gloubets nid – mer hoffe s'het ne bisse
Het är zum Schluss sis Füdle putzt, är het i Garte gschisse.
Play
S'ganze Huus muess suuber si
S'ganze Huus muess suuber si, d'Claudia Wyser duet drumm putze
Mit em Suuger i dr rächte Hand, do föi mer afo stutze
Ou Cheminéeäsche duet si suuge und denn gsesch se rönne
Ojeminee jetz fot doch no dr Suuger afo brönne
Play
Dr Toni Lack dä gseht me warte
Dr Toni Lack dä gseht me warte z'Chappu vor dr Chile
Är duet am wiisse Sunntig mit dr Brass – Band dörte spile
Vom Musiziere het är Durscht är duet am Brunne trinke
Do plötzlech gsesch du sini Note im Wasser in versinke.
Play
Als Asterix und Obelix
Als Asterix und Obelix chöme mir derhär
Dir heit öis sicher kennt, das isch jo nit so schwär
Die zwee passe zu dr Bränte und das wie ne Moore
Die einte hei e Ranze, die andere hei e grossi Schnorre.
