Play
ERO Nei nei !!!
Liedli (von den blauen Bergen):
Us dr ERO Gägner Zone chöme mer
Setze för das schöne Dörfli öis zur Wehr
Nur dr Scheriff z'Solethurn find das isch e Hohn
Ärklärt Chappu zum Findböud vom Kanton
ERO nei nei, ERO ERO nei
ERO nei nei ERO ERO nei
Nur dr Scheriff z'Solethurn find das isch e Hohn
Ärklärt Chappu zum Findböud vom Kanton
Dr Scheriff Straume höchscht persönlech chunnt uf Chappu
Stiigt sogar no ab vo sim höche Sattu
Was glaubet denn dir Naare, fahrt är öis a Chaare
Die Umfahrig muess dur Chappu durefahre
ERO nei nei, ERO ERO nei
ERO nei nei ERO ERO nei
Was glaubet denn dir Naare, fahrt är öis a Chaare
Die Umfahrig muess dur Chappu durefahre
Öise Gmeinroot duet däm Scheriff guet zuelose
Macht bi dene stränge Wort no fasch i d'Hose
und scho nach churzer Ziit hett är se sowiit
öise Gmeinroot find d'ERO jetz e Hit
ERO jo jo, ERO ERO jo
ERO jo jo ERO ERO jo
und scho nach churzer Ziit hett är se sowiit
öise Gmeinroot find d'ERO jetz e Hit
Zfriede stiigt dr Straume uf sis höche Ross
Goht zrugg uf Solethurn mit sim ganze Tross
Doch är fröit sech leider z'gli - es isch noni verbii
Die Jo-Säger si nur öisi Gmeinrööt gsii
ERO nei nei, ERO ERO nei
ERO nei nei ERO ERO nei
Doch är fröit sech leider z'gli - es isch noni verbii
Die Jo-Säger si nur öisi Gmeinrööt gsii
A dr Gmeinsversammlig döi mir de erkläre
Wär si verträte sette // und wär ihri Wähler wäre
Und scho nach churzer Ziit hei mir se sowiit
Ou d'Gmeindrööt finde d'ERO jetz e Shit!
ERO nei nei, ERO ERO nei
ERO nei nei ERO ERO nei
Und scho nach churzer Ziit hei mir se sowiit
Ou d'Gmeindrööt finde d'ERO jetz e Shit!
Liebi Solethurner // au mir döi Autofahre
Und si nur grad ar Fasnacht e chli Naare
För ne Lösig isch no Ziit - mer wösse dass se git
Doch übers Ohr haue löi mer öis sicher nid!
ERO jo jo, ERO ERO jo
ERO jo jo, ERO ERO jo
För ne Lösig isch no Ziit - mer wösse dass se git
Doch übers Ohr haue löi mer öis sicher nid!
ERO jo jo, ERO ERO jo
ERO jo jo, ERO ERO jo
ERO jo jo, ERO, jo jo ERO, jo jo ABER NID E SO!!!
Play
Jede siibte Cowboy
Jede siibte Cowboy isch luut Statistik schwul
1, 2, 3, 4, 5, 6, … Röschu, // gäu das findsch nid cool!!?!
Es chönnt jo ou der Dome sii mit siner Sportsfigur
Oder gar der Stefan doch dä verneint das stur
Der Alex dä vo Dütschland het scho so chli Tendänze
Und ou der Chrigi und der Mäde // hei so typisch schwuli Ränze
Der Reto bliibt no übrig, dä chönnts jo ou si
Doch mit sim Drüütagebart // würd dä als Schwule solo si
Vo öis passt keine i das Bild, das gseiht dir sicher ii
Dä Schwuli vo dr Bränte muess // es Söibörschteli si.
Play
Mir fröie öis
Mir fröie öis und si ganz stolz uf öise Bundesroot.
Wo jetzt mit dreine Fraue i die richtig Richtig goht
Au z'Dütschland mit der Merkel isch e Frou am Droht
Wo ihrne gstandne Mannskollege zeigt, wo's dure goht
Nur frooge mir öis zimli stark, mir gsäi das gar nid ii
Müesse Froue i dr Politik würklech immer Bäse si?
Play
Dr Familieplaner setsch
Dr Familieplaner setsch als Huusfrou bsonders im Griff ha
Fosch de ou no afo schaffe, lueg ne besser aa
D'Jäggi Doris // sett met em Chind schnäu zum Zahnarzt go
Pünktlech wär si gsi // het aber s'falsche Chind mitgno
Play
Der Franz
Der Franz, dä rönnt durs Dorf und duet genau protokolliere
Wär d'Strüücher jetz nid gschnitte het, // für ne Mahnig grad notiere
Der Franz chunnt hei und fluecht: // Ehrlich! // i cha das nid verstoh
Jetz hani doch tatsächlech ou e Mahnig übercho.
Play
Herti Muskle
Herti Muskle, // e tolle Body, // duet är sich atrainiere
Dr Stierli Philipp chönnts doch grad aus Modäll probiere
Die gröschti Gurke het är ou, do wärde d'Froue schwach
Nei, nid die i sine Hose // sondern uf sim Outodach.
Play
Go rocke so wie früecher
Go rocke so wie früecher isch im Bläsi 80 Stutz wärt
Drum chouft är sich es Billett fürs Status Quo Konzärt
Uf der Outobahn hets kei Verkehr und s'Parkhuus isch ou läär
Kei Wunder // denn s'Konzärt isch bereits zwee Wuche här.
Play
Mir 7 mir hei gsammlet
Mir 7 mir hei gsammlet hüür für ne guete Grund
Wöu me schiints im Gäu // kei potänti Manne me bechunnt
Für d'Zuekunft döi mir s'letschte us öis usehole
Doch jetz hei so Schofseckle // öisi Sperma-Ladig gstohle.
Play
D'Martina, die vor Gugge
D'Martina, die vor Gugge duet in London Ferie gniesse
Jet-Set, Shoppe, Luxusläbe, s'Gäud duet nur so fliesse
Chleider, Schmuck und Uusgang, si duet mit vöu Stütz prahle
Am Schluss chunnt si nümm hei, si cha s'Hotel nümme zahle.
Play
D'Martina, die vor Gugge
Aus Maa vom Volk do duet der Fessler öisi Gmein verwalte
Guet informiert und noch bim Bürger wett är d'Zuekunft gstalte
Bim ne Bier im Frohsinn, // wott är e stränge Daag vergässe
Vis à vis do hocke s'Stubers // si döi romantisch ässe
Der Martin luegt verwunderet und nimmt das zur Könntnis
Är frogt: Hei äch d'Flavia // und dr Bruno es Verhältnis.
Mir hoffe nur, är isch bim Gmeindsverwalte nid so blind
Die si 20 Joor ghürote /und hei vier erwachsni Chind.
Play
D'Martina, die vor Gugge
D'Umfahrigsstroos vo Olte füehrt z'Chappu bis vor Türe
Dr ganz Verchehr dur öises Dorf, das duet öis ziemli stööre
So goot das nid, ghörsch d'Chappeler, mir setze öis zur Wehr
Lueget d'Chinderzahle aa, // mir hei scho gnue Verchehr.
Play
Mir si siebe Cowboy
Mir si siebe Cowboy so wie im wöud Wescht
Im Singe und im Ritte si mir sattufescht
Was mir aber nid chöi – döit jetz guet zuelose
Im Gägesatz zu öisere Gugge chöi mir gar nid bloose.
