Play
Liebe Marcel
Liebe Marcel, mir verdanke dir mänge guete Värs
Drum hei mir dänkt, e letschte Helge jo vo dir das wärs
Doch jetz isch Ziit, mir hoffe, dass du das verstoosch
Und jetz ändlech, ändlech, ändlech, ändlech, ändlech, ändlech gosch.
Play
Im Unterdorf bim alte Brüggli
Im Unterdorf bim alte Brüggli stoht so ne Barracca
Dört gits Konzärt mit gueter Musig und chönntsch schiints ou no z'Nacht ha
Mir gratuliere im Dünnere – Dinu, wenn das tatsächlich stimmt
Jetz isch dä sächzgi worde, bis ihm ändlech öppis glingt.
Play
E Scheidig, die chunnt dür
E Scheidig, die chunnt dür, das weiss scho jedes Ching
Doch no vöu schlimmer breicht jetz döu d'Finanzkrise a Gring
Wöu d'Höufti vom Vermöge si verloore hei
Doch im Gägesatz zur Scheidig, hei si die Alti no dehei.
Play
Bi dr Aatrittsred vom Barack
Bi dr Aatrittsred vom Barack Hussein Obama
Hei d'Amis dänkt, ändlech, isch fertig mit däm Drama
Dr Bush isch wäg, dä Trottel hei mer gnue lang gha
Doch jetz wird alles besser mit em erschte schwarze Maa
Aber Achtung, isch die Hoffnig nid e chli verfäut?
Chappu gohts nid besser und mir hei scho mänge Schwarze gwäut
Play
Chörzlech bin ig i d'Beiz
Chörzlech bin ig i d'Beiz, ha eis wöue go suufe
Chumm zur Türe i, go rächts, denn links, ond d'Stäge ufe
Obe links und denn e länge Gang, jetzt han is fascht
Zur Türe i, do muess es si, worum hockt do kei Gast?
I schmöcke Rouch vo witem, wart of d'Bedienig scho siit Stunde
Jetzt weiss i, i bi richtig, i ha's Nichtroucherrüümli gfunde.
Play
Chuum aacho i de Skiferie
Chuum aacho i de Skiferie, foot der Ryf René a flueche
Jetz muess i wieder hei, mini Skijagge go sueche
Wieder zrugg in Adelbode macht är e suure Stei
Jetz muess i gopferdeli wäg de Skischue nomou hei.
Play
D' Globalisierig isch e Gfohr
D' Globalisierig isch e Gfohr, das gsäi mer jetze i
Passiert nöime e Seich, scho risst's die halbi Wäut mit dri
D'Folge si dramatisch i sonere Situation
Chli Gschtürm ir Chappeler Finanzverwaltig, scho gits e Rezession.
Play
Claudia, mer gratuliere dir
Claudia, mer gratuliere dir, du hesch e tolle Maa
Eine, wo im Huushalt höuft und ou putze cha
Was mer jetze ghört hei, dunkt öis fasch chli zvöu
Dass dr Ruedi d'Schööfliwiese ou stoubsuuge söu.
Play
I bi i Coop go poste
I bi i Coop go poste, und ha me gloub verloufe
Do chasch scho im Oktober Samichlöis go choufe
Afangs Joor chasch denn ou scho Fasnachtschüechli ha
Ond d'Oschterhase chöme de Ändi Januar dra
Der erschti macht haut s'Gschäft, das esch secher wohr
drum hanget a der Rose d'Wiehnachtsdeko s'ganze Johr.
Play
Dass är bschisse heb
Dass är bschisse heb, am Bieler Louf, do müessi är nur lache
Är düeg ou nid dope, nähm kei unerloubti Sache
D'Streckepöschte döi im Bole drum en Abchürzig aachriide
Was dir do säget isch nid wohr, das man I nid verliide
"Chnoblauch, Suurchrutt si mis Gheimnis", duet är luut verkünde
"Do chasch du, wenns druf achunnt, dr Hinterturbo zünde!"
Play
Liebe Gmeinroot
Liebe Gmeinroot säget öis, worum isch öich das scheissegal
Meinet dir, so gwünnet dir die nöchschti Gmeinrootswahl?
Play
Chappu im Dornröslischlof
Chappu im Dornröslischlof es Bild wie usem Märli
Rings um öis do boue si wie die wöude Kärli
Für d'ERO döi si loche und d'Stroose jetz saniere
A jeder Chrüzig Kreisle boue und Ampele montiere
Öisem Gmeindrot isch das gliich, do pfiife die no druf
D'Umfahrig Olte hört jo schliesslech kurz vor Chappu uf.
Play
E Fessler und e Wyss
E Fessler und e Wyss, e Glünngi und e Sürmu
Hei einisch zäme Krach gha, es riisegrosses Gschtürmu
Si chöi sich nümme schmöcke, si hei gnue vonenang
Drum rede si nur indiräkt im OT mitenang
S'nöchscht Joor a dr Fasnacht lueget de nit schief
Mir schriibe öisi Schnitzelbänk nur no als Läserbrief.
Play
Bitte stöit schnäu uf
Bitte stöit schnäu uf, mir wei öppis usprobiere
Au no die dört hinde, müesst öich nid scheniere
Jetz no d'Händ i Himmu hebe und dermit chli winke
Und derzue jetzt bitte no chli stampfe mit de Finke
Jetzt froget dir öich sicher worum s'das scho wieder git
Dir machet ou nach driisg Joor Bränte jede Schiissdräck mit!
