Play
Khalif, Muhammed
Khalif, Muhammed, Benaifa Borad, Ali Music
Giorgio, Asaf, Mali, Goran, Hussin, Sharif, Hadic
Wie heissisch du, ah, Küenzli Sepp, ou das duet mer leid
Bes uf e Platzwart isch d'U17 Nati leider scho beleit.
Play
Olte isch e tolli Stadt
Olte isch e tolli Stadt, das gsäi mer nidlos ii
Olte isch e Zentrumstadt, egal wo här chunsch, do bisch glii
Olte het Visione und git sich ou Konture
Nur eis het Olte nid – e Chilbi, wo no Schwiizerdütsch chasch schnurre.
Play
Dr Hirschmann Carl
Dr Hirschmann Carl het öis aglüte, är wett dr Zunft biträte
Är heigi vöu Talänt und är sig ou ganz e Nätte
Är heigi gnue vo Fraue und wöug se nümme schloh
Är wöug eifach inestäche, durezieh und abeloh.
Play
Wenn z'Wange öber d'Brugg i fahrsch
Wenn z'Wange öber d'Brugg i fahrsch, gsehsch das Objekt
Es zeigt sich hell belüchtet, es isch nid grad versteckt
Mir finde, das isch chli es Gschiss wäg dem Minarett
Drum hei mir jetz beschlosse, dass zu däm ke Pointe git.
Play
Der Froueverein goht
Der Froueverein goht go loufe und wott de Bärge zue
Do het si dänkt: "I träge hüt di nöie Wanderschueh!"
Chuum si si los, do ghörsch vo wiitem ihre Schreckensschrei
Und denn goht d'Margrit Lack ohni Sohle weder hei.
Play
Z'Olte gits e König
Z'Olte gits e König schriibt dr Capus wunderbar
Nei, es isch nid dr Zingg und nid der Obernarr
Me seit speziell de Oltner gfalle schöni Märli guet
Si gloube ou sit zwänzg Joor, dass me mol es Parkhuus boue duet.
Play
In Hägedorf
In Hägedorf döi si mit der Wält der Kreisu ziere
E riiese Flösser us Beton duet in Bonige regiere
Öisi Nochbere spinne gloub, das muess e Huufe choschte
In Chappu längt för e glichi Zwäck, eifach nur e Pfoschte.
Play
Das esch es Problem
Das esch es Problem, mir finde das nid toll
Wenn d'Müeter ihri Chinder bringe, isch der Schuelhuusparkplatz voll
Doch d'Mamis döi sich jetz sit nöischtem scho echli geniere
Und ihre Charre halt chli früener bim Friedli Metzg parkiere.
Play
Das esch es Problem
Der FC Chappu spöut, aus giengs om Läbe oder Tod
Si rönne und si kämpfe, so guet wie das haut goht
Mir gloube a ne Wettskandal, der Gägner bschisst bestimmt
Andersch chöi mer's nid erkläre, dass Chappu das Spöu gwünnt.
Play
Öise nöii Pfarrer
Öise nöii Pfarrer het dr Rhythmus im Bluet
Wöu me in Afrika scho ir Wiege tanze duet
Doch bir erschte Mäss in Chappu do chunnt ihm dr Blues
Das Gekrächze vo dr Katechetin das isch jo dr Gruuuus.
Play
Mer si chli verwirrt
Mer si chli verwirrt, mer chöi das nid verstoh
Was isch nor los, wo liht s'Problem, was duet do vor sich goh?
Das isch doch verdächtig ruehig, jo scho fascht fatal
E nöie Gmeindrot isch im Amt ond bisher kei Skandal.
Play
S'Bankegheimnis isch verlore
S'Bankegheimnis isch verlore, s'Ozonloch das nimmt zue.
D'Krankekasse stiige, d'Schweinegripp loht öis ke Rueh.
S'Einzige, wo bliibt, das isch im Fall ke Scheiss
Im Gmeindroot isch und bliibt är ewig öise Duri Deiss.
Play
S'Motto hei mir gwählt zu Ehre vo de Ritter
S'Motto hei mir gwählt zu Ehre vo de Ritter
Wo z'Chappu vöu bewegt hei, doch jetz gohts nümme wiiter
Usgrächnet jetz, wo mir se Ehre, gohts de Ritter schitter
Dass dr Markus Ritter goht, isch för Chappu jo soooo bitter.
Play
D' Froue plooge d' Manne
D' Froue plooge d' Manne, das isch Emanzipation
Drum goht im Aargau jetz es Heim uf, isch das nid e Hohn
För armi gschlagni Manne, e gschützti Unterkunft
Z' Chappu gits das scho 30 Johr und nennt sich Bränte-Zunft.
Play
Dir sit öisi Facebookfründe
Dir sit öisi Facebookfründe und hoffentlech au Fän
Dörft öis ou uf Twitter folge und heit öis dorum gärn
Mit em iPhone chöit dir öisi Bänk diräkt vom iTunes lade
Mir si drum "Up To Date", göi gärn im Cyberspace go bade
Uf youtube chasch dr Umzug luege, au das isch doch e Hit
Nur eis gits nur real: s'beschte Publikum wos git.
