Play
Wägdäm hei mir e Schnitzelbank
Wägdäm hei mir e Schnitzelbank öber d'Pflotscher wöue bringe
Mer hei dichtet, Värse gmacht und hei güebt bem singe
Doch denn hei mer nochedänkt, und hei's denn doch lo si
Mer hei nid gwüsst, si d'Pflotscher a der Fasnacht no derbi.
Play
Es chlises Liechtli gsehsch vo witem
Es chlises Liechtli gsehsch vo witem, e Stimm ghörsch ganz elei
Niemer weiss, was vor sich goht, mir gloube, es isch gheim
Mer schliche öis ganz liislig a, und döi e chli verschrecke,
A ihrem Guggefäscht do döi sich d'Pflotscher, ganz elei verstecke.
Play
Dicker wirds und härter
Dicker wirds und härter, ou e Schutz würd nüt me nütze
Der Drang wird immer grösser, scho foots hemmigslos a schprütze
S'Büro striche muess är jetz, im Lerch het das gschtunke
Matthias, säubergschoud, hättsch dä Moscht doch lieber trunke.
Play
Gstaad, Davos und St. Moritz si als Kurort etabliert
Gstaad, Davos und St. Moritz si als Kurort etabliert
Tourischte us dr ganze Wält si dört iilogiert
Araber, Russe und Chinese döi durs Dorf flaniere
Und derbii au öppe es Miliönli inveschtiere
Wöu im Gäupark fasch gliich vöu Usländer döi spaziere
Wott Egerchinge jetzt au e Kurtax iikassiere.
Play
Mit sim Züniböxli het är die ganzi Pause Schtritt
Mit sim Züniböxli het är die ganzi Pause Schtritt
Är probierts drum uf z'tue doch är chunnt nid schampar witt
E Banane wartet drin, gross isch drum si Gluscht
Doch das Tupperware das goht nid uf – är het e riese Fruscht
Thomas Schärer wärsch doch mou zu öis i d'Bränte cho
De chönntisch:
Iinestäche, umeschloh, duurezieh und abeloo!!!
Play
Papandreu, Berlusconi, öichi Zit die isch abgloffe
Papandreu, Berlusconi, öichi Zit die isch abgloffe,
Die alte Herre si ussortiert, das macht öis chli betroffe
Me chönnt se doch, es esch verwäge, löit se ned lo loufe,
uspacke, mariniere, im Coop als Gammelfleisch verchoufe.
Play
Dr Marco Probst het i dr Bar
Dr Marco Probst het i dr Bar 2, 3 Bierli trunke
Do gits e Razzia vor Polizei das het ihm glaub ziemli gschtunke
Öis nähmts schampar wunder, was är gmacht het oder dänkt
Für ne Nacht ir Chischte hets uf jede Fall grad glängt.
Play
Satziki, Gyros, Kebab, Dürüm, Pizza
Satziki, Gyros, Kebab, Dürüm, Pizza chasch du ha
Griechisch, Türkisch, Jugoslawisch, aues chont mou dra
S'git z'Ässe us der ganze Wäut, doch was öis chli duet stresse
Z'Hägedorf chasch niene me e Schwiizer Rösti frässe.
Play
Zucker dri und rüehre
Zucker dri und rüehre, rüehre duet dr Toni Lack
Är isch chrank und langsam goht em s'Rüehre uf e Sack
Das isch nur heiss, das schmöckt nach nüt, das isch wie Karton frässe
Nimm s'nöchscht Mou es Bier, dört chasch s'Bütteli ned vergässe.
Play
Ach, öis dunkts d'Ziit sig jetz wörklech langsam verbii
Ach, öis dunkts d'Ziit sig jetz wörklech langsam verbii
Vom Christoph Blocher Superstar und sine Schnuderi
S'isch langsam piinlech, was är seit, findet dir nid ou?
Im Gägesatz zum Hildebrand fäut doch däm die starchi Frou.
Play
E starchi Frou heig är dehei
E starchi Frou heig är dehei öise Ex-Nationalbankpräsidänt
Seit är a dr Pressekonferänz ganz kompetänt
Das isch jo fasch wie bi öis Bränte-Zünftler ou
Mir hei d'Hose aa, doch weli seit bi öis au d'Frou.
Play
Dr Ulrich Michel und dr Andy Brueder si am büffle
Dr Ulrich Michel und dr Andy Brueder si am büffle
Si döi jetz ihri Mannschafte uf französisch rüffle
"Allez les gars, tirez, tirez, schiesset nones Toor!
Wenn dr jetz nid spuutet, denne gits es zut alors!"
Die ganzi Üebig mache si nur us däm einte Grund
Falls Xamax s'nöchscht Joor i die gliichi Liga abe chunnt.
Play
Vo sine ewige Tirade
Vo sine ewige Tirade hei mir jetze gnue
A dr nöchschte Gmeinsversammlig wei mir ändlech vor ihm Rueh
Damit mir im Markus Ritter nümm müesse zuloose
Schicke mir ne, dört störts nid, zur nöie Klagemuur vor Rose.
