Play
Auf de Schwäb'sche Eisebahne
Auf de Schwäb'sche Eisebahne (Trulla,trulla, trullala, ...)
D'Schnitzubänk si jetz verbii
Mir nähme no nes Gläsli Wii
Denn göi mir no chli go fiire
Bis mir nur no umeliire.
Trulla, Trulla, Trullala, ...
D'Fasnacht, die isch eifach s'Beschte
Mir göi nächtelang go feschte
I der Larve und Kostüm
Si mir ziemli ungestüm.
Trulla, Trulla, Trullala, …
Mir hei Heiweh nach de Bärge
Das chöi mer halt nid verbärge
Bis mer weder d'obe si
Gits z'Chappu no chli Après Ski!
Trulla, Trulla, Trullala, …
Mir boue öisi Wäge schnäu
Und göi a d'Gäuer Umzüg, gäu!
Mir mache hüt nid jedi Wett
Dass das Glump bis nöchhär hett.
Trulla, Trulla, Trullala, …
Nach em Umzug gits es Fescht
Mir finde, das isch wörklech s'Bescht
Mit Späck und Bier, do döi mir blöffe
Und z'Hägedorf e Beiz eröffne.
Trulla, Trulla, Trullala, …
Musiziere, singe, dichte
Mir wüsse immer öppis z'brichte
Mängisch isch das ou chli Schtuss
Drum mache mir jetz ändlech Schluss.
Trulla, Trulla, Trullala, …
Play
Nach dr Fasnacht, müesse mir no aues go uufrume
Nach dr Fasnacht, müesse mir no aues go uufrume
S'Zunftlokal sött blitzblank si, dass nume no chasch stuune
Mir hei eine gsuecht zum Gschtöuabschtoube mit Bürschte und Putzlapppe
Dä wär zwar no frei, doch dä hett nur e grossi Klappe.
Play
Obama gäge Romney
Obama gäge Romney, das isch jo wie ne Krimi
D'Amis froge sich scho lang: "För wär vo dene stimm i?"
Bim Kantonsroot isch das nid so schwär, du chasch es nid verfähle
Vo Chappu chasch vor SVP, nur Dick und Doof go wähle.
Play
E stränge Tag, är chunnt hei
E stränge Tag, är chunnt hei, het Hunger wie ne Moore
Im Chüelschrank stoht es Tupperware obe links ganz voore
"Mini Frou, die chocht süsch besser, dä Frass chasch grad vergässe!"
(Logisch!:) Hueber Rolf, du hesch jetz grad s'Hüehnerfuetter gfrässe!
Play
Tsch tsch, tsch tsch, tsch tsch, tsch, die ganzi Schwiiz grilliert
Tsch tsch, tsch tsch, tsch tsch, tsch, die ganzi Schwiiz grilliert
Tsch tsch, tsch tsch, tsch tsch, tsch, die Wärbig het öis irritiert
Und ou wenn gsehsch, mit was die Schwinger sich am Grill döi mässe
Göi mer doch lieber mou zum Hans, schnäu e Cervelat go frässe
Play
Die Bilder vo mim nöie Handy si e Megaflop
"Die Bilder vo mim nöie Handy si e Megaflop!"
D'Sampogna Esthi reklamiert, ganz luut im Swisscom-Shop
"Es het mir nur verschwummni und ganz schlächti Bilder gä!"
"Jo liebi Frou, dir müesst halt vorhär d'Folie abnäh.
Play
Iibrüch gits sit langem z'Chappu
Iibrüch gits sit langem z'Chappu, das isch doch brutal
Ou bim nöie Tschuttiplatz, im FC Klublokal
Was hei die Diebe dört näb Chips und Bierli no mitgno?
Luut Tabälle sige sicher ou e Huufe Pünkt wägcho.
Play
D Cornelia und der Pascal
D Cornelia und der Pascal, döi d'Flitterwuche gniesse
Ihres Glück ar Sunne met me Gläsli Sekt begiesse
Doch chuum dehei, do stinkts ganz grusig, me chas fasch nid ushalte
Mit em Houptschalter duesch halt ou der Chüelschrank mit usschalte.
Play
Am Nochber sini Abfallsäck stöi nümme vor em Huus
Am Nochber sini Abfallsäck stöi nümme vor em Huus
Im Pyji secklet si voruuse, chunnt grad nümme druus
Si gloubt, s'isch z'spoot und fahrt em Abfallwage hindedri
D'Jäggi Doris luegt dumm us der Wösch, s'isch noni Mittwuch gsi.
Play
Dr Armstrong isch jetz doch uufgfloge
Dr Armstrong isch jetz doch uufgfloge, är het zvöu uf der Kerbe
Jetz suecht me nöii Gwünner, wo die Title sette erbe
Do seit der Bäsewagefahrer zum Letschte: "Das isch gschpunne!
Jetz hesch du doch, das gloubt me chuum, d'Tour de France grad gwunne!"
Play
Inere Nacht- und Näbuaktion hei mir müesse go
Inere Nacht- und Näbuaktion hei mir müesse go
Es sig e grossi Gfohr, dä Wärkhof döigi nümm lang stoo
Mir si furtgjagt worde, hei müesse s'Zunftlokal go ruume
Jetz stoht das Ghöt jo immer no, do chöi mir nur no stuune.
Play
Die wöudi Roubkatz isch im Gäu
Die wöudi Roubkatz isch im Gäu es riesegrosses Thema
Und jede wott dä schwarzi Panther i sim Garte gseh ha
Dur öisi Strosse, streift ou e Chatz ghört me d'Lüt denn säge
Nur kei Angst - dr Brönimaa duet mit sim Jaguar Post verträge.
Play
D'Fäischter offe, s'Liecht het brönnt
D'Fäischter offe, s'Liecht het brönnt, d'Lüt stöi bi der Türe vore
D'Poscht isch zue, was isch do los, si flueche wie ne more
"Isch do eine abgmurkst worde?", seit e Frou und flennt
D'Polizei het dä Fall glöst, s'isch klar, der Schmid Rolf het verpennt.
Play
Dir heit Glück, dass mir hüt do si
Dir heit Glück, dass mir hüt do si, es het öis fascht nid glängt
Mir hei dichtet und hei güebt, aus im letscht Momänt
Mir hei de Maya gloubt, dass die Wäut duet undergo
Doch jetz isch si halt no do, drum si mir a d'Fasnacht cho.
