Play
Wär Stüüre prellt in Egerkinge
Wär Stüüre prellt in Egerkinge, loht öis total chalt.
Doch öis störts, wenn eine nach em Singe nüt i öisi Kasse zahlt
Die Sünder jetz a Pranger z'stöue, duet me öis empfähle
Und derför am nöchschte Swiss Award öis zum Sieger wähle.
Play
Aus Löie-Männli stöi mir do
Aus Löie-Männli stöi mir do, wies muess si in voller Pracht
Grossi Schnörre, Rieseränze, doch nähmet eich in Acht
Dr längi Schwanz isch nid zum Spiele, müesst gar nid ersch probiere
Är wird nid härter und nid länger, chasch no so vöu hantiere.
Play
Au ir Rose heimer öisi Schnitzubänk
Au ir Rose heimer öisi Schnitzubänk wöue singe
Doch d'Tür isch zue, es Schild isch dra, so duet das nüt bringe
E Blick durs Fäischter, es wird klar, ond mer stöue fescht
Öb Ferie oder offe, do hets immer glich vöu Gescht.
Play
Der Bitterli Thomas esch e gwössehafte
Der Bitterli Thomas esch e gwössehafte Schuelabwart
Chum hets chli Loub, het är scho si geil Traktor am Start
Är fahrt hin und här, doch das Loub isch no do
Mer gloube, es chönnt nütze, wenn der Mäier duesch aalo.
Play
Dä Chauffeur, wo mit em Bagger d'Brugg het abrasiert
Dä Chauffeur, wo mit em Bagger d'Brugg het abrasiert
Het gmeint es längi s'Augemäss – drum isch das passiert
Wäg däm si öisi Fasnachtswäge scho lang us Karton gmacht
Bim Augemäss vo öisem Wageschef wär scho mängi Brugg ikracht.
Play
Dr Stefan Wyss, dä möcht gärn
Dr Stefan Wyss, dä möcht gärn dr Hummel Tobi bsueche
E Flug nach Vietnam öber Thailand duet är bueche
Z'Bangkok zwöscheglandet, döis'ne schikaniere
Tsching Tho Mai, i bi dumm duet är's uf thailändisch probiere
Doch s'nützt nüt, dr Flug isch furt, dr Zöllner isch kei böse
Är hätt haut eifach scho ir Schwiiz es Visum söue löse.
Play
Dr Merkel ihres Handy wird schiins überwacht
Dr Merkel ihres Handy wird schiins überwacht
Es sig dr US – Gheimdienst, wo das unverfrohre macht
Mir finde, das isch nit so schlimm, döit e mol studiere
Statt d'Merkel würde die d'Esther Gassler observiere
Si würde raportiere: die Soledurner si nid gfährli
Wärde regiert vo einere, die verzellt dr ganz Tag Märli.
Play
E nöie Stapi suecht me z'Olte
E nöie Stapi suecht me z'Olte d'Finanzkrise droht
D'SP hätt e Kandidat, doch dä mäldet sich chli z'spoot
Werum d' Bewärbig z'spoot esch acho, hei mer jetz erfahre
Är isch uf em Wäg is Stadthuus dur d'20-er Zone gfahre.
Play
Mit ihrne wunderschöne Chleider stähle
Mit ihrne wunderschöne Chleider stähle si öis d'Show
Si gsäi guet us, si sexy, mir beniide si drum voll
Die Iisbär-Koschtüm gönne mir öisere Gugge sehr
5 Täg im Johr dörfe die scho schöner si als mir.
Play
Die Tanne, die muess ändlech wäg
Die Tanne, die muess ändlech wäg, ghörsch der Stefan klage
Drum wott dr Schulthess Urs die Tanneäscht absage.
Doch als Murer muesch du wösse, bi de Böim ischs halt eso
D'Äscht, wo unde absagsch, fähle denn bim abecho.
Der Junior meint är chas besser, sagt dr Stamm ab, mer heis gseh
"Achtung Baum fällt!" Jetz isch der Chöngustall vor Antonia niene meh.
Villich sette die zwe Naare zu öis i d'Bränte cho
Do lehrsch: iinestäche, umeschloh, durezieh und abeloh.
Play
1 Zält, 4 Ständ und 9 Bsuecher, das isch der Wiehnachtsmärt
1 Zält, 4 Ständ und 9 Bsuecher, das isch der Wiehnachtsmärt
2 Zält, 3 Bahne und 12 Bsuecher, dr Chilbidurchschnittswärt
Doch nöime liebi Hägedörfer, sit dir fascht nit z schloh
Pro 10 Iiwohner duet em Dorf ei Pizza Service stoh
Play
1 Zält, 4 Ständ und 9 Bsuecher, das isch der Wiehnachtsmärt
D'Bank het öis es Briefli gschickt - Achtung Information
Der Service wärdi jetz no besser: e "Win-Win-Situation"!
Effiziänter sige d'Öffnigsziite, schriibt d'Raiffiisebank
Jetz het si ou am Samschtig zue, das isch super, Gottseidank!
Ou bewährt het sich zum Spare, jetz hei mer's kapiert
Dass der Bankomat ar Chilbi siit Joor und Tag nit funktioniert.
Play
Das Löie-Männli-Läbe
Das Löie-Männli-Läbe isch ä super fiini Sach
Drum hei mir das au hüür zu öisem Fasnachtssujet gmacht
Die Löie-Manne Istellig isch öisi nöi Devise
Bumse, frässe, schlofe und derzue e geili Friise.
