Play
Darf me mit em Migros
Lied 2015 - Melodie: Heinz de Specht (Dörf me das?)
Darf me mit em Migros Sack i Coop go poste go?
Darf me a der Fasnacht i der Beiz es Bier lo stoh?
Dörfe mir e Furz lo goh oder git das vöu zvöu Gstank?
Nei das darf me nid, süscht gits grad e Schnitzelbank.
Nei das darf me nid, süscht gits grad e Schnitzelbank.
Darf me z'Egerkinge Asylante iquartiere?
Darf me dene s'Ässe vom ne Catering serviere?
Obwohl's vor Ort e Chuchi het, isch das nid chli chrank?
Nei das darf me nid, süscht gits grad e Schnitzelbank.
Nei das darf me nid, süscht gits grad e Schnitzelbank.
Darf me Ross für Rind verchoufe, ohni dass me's weiss?
Darf me CH deklariere bi ungarischem Fleisch?
Darf me s'Fleisch no ässe oder wird me de grad chrank?
Nei das darf me nid, süscht gits grad e Schnitzelbank.
Nei das darf me nid, süscht gits grad e Schnitzelbank.
Darf d'Sekretärin Selfis schicke, vo ihrem blanke Buse?
Macht der Gerri Müller das, duet öis das e chli gruuse.
Darf me das ir Arbetsziit, das isch doch total chrank.
Nei das darf me nid, süscht gits grad e Schnitzelbank.
Nei das darf me nid, süscht gits grad e Schnitzelbank.
Darf me bim ne Schnitzelbank, rede, wie me wott?
So mit chotze, schiisse, figge, läschtere über Gott.
Darf me säge säuber gschoud, mir si haut fasnachtschrank.
Jo das darf me scho, das isch drum e Schnitzelbank.
Jo das darf me scho, das isch drum e Schnitzelbank.
Dörfe mir das Liedli bis am Schloss no durestiere?
Dörfe mir de gliich eis nää und d'Beiz grad ruiniere?
Dörfe mir ächt wieder cho mit nöie Schnitzelbänk?
Tschüss und bis zum nöchschte Joor, mir säge beschte Dank
Tschüss und bis zum nöchschte Joor, mir säge beschte Dank.
Play
Lörrach, Weil am Rhein, ihr Schweizer seid dort gern gesehn
Lörrach, Weil am Rhein, ihr Schweizer seid dort gern gesehn
Ihr habt viele starke Fränkli, das kann man gut verstehn
Mit Kappel hat das nichts zu tun, wir haben nur probiert
Und dank dem Euro diesen Bank "günschtig" importiert.
Play
Willkomme bi öis
Willkomme bi öis, du hübschi Muus, du frogsch di sicher was jetz goht
Gäu isch komisch, bi öis z'schtoo, wirdsch scho langsam e chli rot
Kei Angscht, du muesch gar nüt mache, muesch nit singe, bruchsch kei Note
Mer müesse eifach öpper ha für öisi Frouequote.
Play
"Je suis Charlie, Terrorakt!"
"Je suis Charlie, Terrorakt!", die Attetäter si Mimose
Wie würd das z'Chappu usgsee, jetzt müesset dir mou lose
Was mir übere Dönnere - Dinu scho gsunge hei, duet länge.
Dass är öises Zunftlokal i d'Luft chönnti spränge
Play
Mit Läder - Kombis göi die Manne
Mit Läder - Kombis göi die Manne wie Rocker uf Töff-Tour
Kilometer frässe, der Wind im Gsicht, dasch Läbe pur
Der Ueli Plüss, der Pius Bobst und der Enzo Sampogna
D'Bärge ufe, wieder abe, richtig Brienz und denn Bologna
E Riisepanne, liebe Enzo chasch di bim Pius go bedanke
Statt Diesel hätt dä Lappi eifach bleifrei müesse tanke.
Play
S'Telifon duet ständig lüüte
S'Telifon duet ständig lüüte, d'Nummere unbekannt
"Duet ihri Chrankekasse ou ufschloh? Äh grüezi mitenand!
E Beroter chunnt zo ihne hei, dasch wichtig ums Verrecke!"
"OK, dä cha grad cho und mir am Arsch cho läcke!"
Play
Us de Ferie mit Kollege
Us de Ferie mit Kollege muess är früener hei
Drum wartet är am Flughafe in Bangkok ganz elei.
Vo de vile IIdrück fix und fertig schlooft är ii
Wo der Studer Phile uufwacht, isch der Flüüger scho furt gsi.
In Züri-Klote frooge sich d'Kollege langsam scho
Der Studer Phile isch drum erscht nach ihne dört aacho.
Play
2002 hei mir scho do drüber chönne singe
2002 hei mir scho do drüber chönne singe
Dass s'Esthi wott, die ganzi Sim - Card is Handy ine zwinge
2013 hätts denn mit em Handy tolli Foti söue gää
Doch si het müesse lehre, dass me d Folie muess wäg nää
Danke Esthi, du bisch super, dass du immer Värse bringsch
Und im Frohsinn, statt em Handy, d'Färnbedienig fürenimmsch.
Play
D'Chöubi z'Chappu isch genial
D'Chöubi z'Chappu isch genial, au Johr es Riisefescht
Beize, Bahne Ständ und Bars, vo auem nome s'Bescht
Nume eis Problem au Johr, wo söu me nur parkiere?
Do isch doch guet, dass me grad denn, d Stross aafoot saniere.
Play
Z'Bade z'Nacht im Stadthus
Z'Bade z'Nacht im Stadthus, die Gschicht, die isch wohr
Ganz elei im Büro, jetzt stöuet öich das vor
Är packt ne us, und nimmt ne rächts ganz fescht i sini Hand
Är luegt ne ganz genau a, vo der Spitze bis a Rand
Jetzt dräit är ne nach links und rächts, stosst ne nach vore und nach hinde
Vor luuter Chrampf do stöhnt är und muess sech grad chli winde
Är hebt ne chrampfhaft fescht, mit rotem Chopf foot är a schwitze
Das isch der Geri Müller wo duet si Bleistift spitze.
Play
"Schweiz Bewegt"
"Schweiz Bewegt" in Chappu, aus isch uf de Bei
Im Duell gäg Hägedorf, füehre mir lang ganz elei
D' Konkurränz isch gross, mir rönne drum wie gspunne
D' Hägedörfer mache ei Tag länger, scho hei die Cheibe gwunne.
Play
Früsch operiert
Früsch operiert, so liit der Gsöu, z' Oute im Spital
Elei ufstoh chan är nid, denn d'Schmärze si e Qual
Är lüütet einisch, zwöi Mol, drü Mol, wo är uf s'WC sett
Doch d'Schwöschtere, die hei kei Ziit, so bliibt är haut im Bett
Jetzt chan är's fasch nümm ushalte, was macht dä gschiidi Maa?
Är lüütet mit em Natel im 144 aa.
Play
Oute duet verlumpe
Oute duet verlumpe, was isch do passiert?
Überall wird gspaart, nur im Stadthus wird saniert
Bi schlächtem Wätter seichts denn ine, das chasch niemerem zuemuete
Ou ir Iistöuhalle, duets Abwasser aues überfluete
Mir fasse das churz zäme, und säge's mou e so
Chum chunnt chli Gwitter duet dä ganzi Scheiss zom Vorschiin cho.
Play
Mir chönnte eifach hänestoh
Mir chönnte eifach hänestoh, und gar nüt istudiere
D'Händ id Säck, chli umeluege, nur e bitz improvisiere
Heit dir s Gfühl, das chöi mir nid? mir chönnte das emou probiere
So döi für d'Unterhautig d'Jugileiter ihre Reige schnäu kreiere.
