Play
FC Kappel
Dasch piinlech jetze wüsses all, s‘OT loht verlute
Die schlächtischt Mannschaft im Kanton, Chappu cha nid tschutte
Mer gsäi das alles nid so tragisch der Verdacht duet sich erherte
Me muess das ou mol so aluege schlächter chas nümm wärde
Bösi Zunge döi die rot Latärne so erkläre
Das sig Absicht, um bim Clubhus ar Belüchtig z’spare.
Play
Karin
D Karin Brack, die fahrt id Stadt, dört het’s e Riise Stou
Brämse, halte, warte, vöu Geduld bruucht jetz die Frou
Si wartet, wartet, wartet, und isch scho ganz frustriert
Liebi Karin du darfsch fahre, s’Outo fore isch parkiert.
Play
Post
D’Poscht bringt Päckli pünktlech und in Zuekunft ou mit Drohne
In Luftlinie esch das effiziänt und wird sich lohne
Öisi Junge fröit das bsunders die finde das scho prima
Bruuchsch nur es Luftgwehr und de chasch du au Tag Wiehnacht ha!
I 10 Joor frogt es Chind der Papi und dä chunnt nümm usem Stuune
Isch dä Storch, wo d’Chindli bringt, ou en Art e Drohne?
Play
Der Stefan
Der Stefan Wyss ghört z‘Nacht es Grüüsch und chunnt zerscht gar nid drus
Mit Sturmgwehr und in Boxershorts, schliicht är drum ums Huus
Schatz, lüt der Polizei a, d Sarah duet i Garte rönne
Nur cha si ohni Linse leider d’Zahle nid erkönne.
Play
Jung
Jung, dynamisch mit Engagement, so chunnsch du zur Wahl
Tierisch, willig, unerschrocke, s‘Usgseh isch egal
Das isch kes Inserat für Singles und ou süscht gar nüt Verruechts
Es isch der Voguschutzverein, wo dringend Nachwuchs suecht.
Play
Anal
Du bisch tschoud, nei du bisch spitz gsi, eis Theater, jetzt isch gnue
D’Spiess-Hegglin und der Hürlimaa, gäbe die nie Rueh?
Dä Fall isch sehr komplex, do muess me vöu studiere,
Die ganzi Gschicht die sett me halt genau ANAL- ysiere.
Play
Maitanli
E Krane bruchts, 30 Meter höch, es Rieseding vo s‘Nicke
Als Nochbershöuf uf Hägedorf döi mir das Gfährt grad schicke.
Wöu si z‘Hägedorf nit fähig si, so wie sis hei wöue
Müesse d’Maibuebe vo Chappu ihne s’Maitannli go stöue.
Play
Der Schanzeclub
Der Schanzeclub, dä buecht e Reis und flügt uf Lissabon
D‘Manne flüge trennt vo ihrne Froue, nur werum?
Der Vorteil dä liit uf der Hand, wenn me so of Reise goht
Denn isch bim’ne Absturz nume d’Höufti vom Club tot.
Mir kenne aber d‘Wooret, es het die Manne gar nit gschtört
Dank der Buechig vo de Froue si die Cheibe früener dört
Jetz göi si ohni Stress i d‘Bar und d‘Froue chöi nid chähre
döi gmüetlech mou 2 3 4 5 6 Bierli inelääre.
Play
Ar Frouebörse
Die Idee, die isch bestächend und scho fascht genial
Do mache mir grad mit, mir si jo ou rächt schlau
Mir biete si drum a und hoffe me darf’s fascht nid verzöue,
Ar Frouebörse, dammi nomou, het öisi Froue niemer wöue.
Play
Doris
s‘Fescht isch guet, es isch scho spoot ond sie wott jetze hei
Churz spöter denn im Auto in, e Riisesauerei
Heilandsack, isch das e Dräck, wär het do erbroche?
Dummerwiis isch s Doris is falsche Outo inekroche!
Play
Vorwärts, rückwärts, siitwärts
Vorwärts, rückwärts, siitwärts, quer, e weiss nid, wie das goht
I wird närvös mis Chind chunnt jetzt wäg dene Kreise z’spoot
Velicht chöit dir mir’s säge oder mir hälfe studiere
Wie n‘i bi dene Zeiche vor em Schuelhus muess parkiere.
Ir Fahrschuel han i glehrt, Parkplätz gits wissi, gälbi, blaui
Jetzt weiss i nid, si die grüene äxtra nor für Schlaui?
Play
S Zunfthüslifescht
S Zunfthüslifescht im letschte Joor, d’Stimmig, die isch guet
2, 3 Bierli und no eis, es föifts das bruucht kei muet
zu spooter Stund, s hets niemer gmerkt, ond ou niemer dänkt....
Hei mir us Versehe alkoholfreis Bier usgschänkt.l
Es isch gar keis Versehe gsi, mir hei nur wöue teste
Öb dir ou ohni Alkohol mit der Bränte - Zunft chöit feschte.
Play
Wenn immer dä besch
Wenn immer dä besch met em zwöi of em Rügge
Wenn nor no Fründ hesch, solang du s Bier tuesch tugge
Wenn bim Apfiff a der WM nümm derbi besch
Und bim tschutte jedi Chance versiebisch
Wenn für di d‘Stärne am Himmu nümm lüüchte
Wenn vor der Schmier us em Hotel muesch flüchte
Wenn uf em Züribärg nümme dehei besch
Und s‘grad no länget für ne Wohnig in Visp
Denn mach der wäge däm e kei Sorge
Am Ändi vo jeder Nacht chunnt der Morge
Ond mit em nöie Tag wirdsch du begriiiiiiffe
Du bisch und blibsch e Pfiiiiiiiffe.
