Fasnacht 2001 Lied Soiborschte
Meodie: Anton aus Tirol
Das esch so schön, das esch so toll,
als Dank get's jetz chli Alkohol!
Wottsch chli Schanse z'Chappu ha,
drenk zäh Bier, denn besch e Maa.
E Wisky puur,
esch ou guet för d'Figur!
Das esch so schön, das esch so toll,
hock a Schtammtesch, säg zom Wohl,
Ond us irgendwelche Grönd,
Besch scho bald en Esufrönd.
Denn besch derbii,
J-Aa denn besch derbii !
J-Aa J-Aa J-Aa J
Mer hei för d'Gmein, e Schriiber gwählt.
Öls het's fasch chli hindere g'schträut.
Eine esch uf d'Lischte cho,
Acht anderi si i Chöbu cho.
Muess das so sii?
Jo z'Chappu muess so sii!
J-Aa J-Aa J-Aa J
D'Voukszählig esch chli öbertribe
Doch mir hei aui häregschribe
wie mängi Schtond, das mir döi glette,
wäsche, potze, choche, bette!
Das si rond,
au Tag zwe drei Schtond!
Isch das so schön, esch das so toll?
Jo zom Glück get's Alkohol!
Drenk es Glesli met Vernonft,
chom zu öis e d'Bränte-Zonft,
ond mach e Färs!
Tschau zäme, so das wär's!!
Au Tag chasch die gliiche Grende
A öisne Beize-Schtammtesch fende.
Der Gmeindsverwalter ond der Schriiber,
der Amme ond paar Esutriiber
zum Schtüre sänke get's dört Muet,
wie meh dass schtiige d'Promill im Bluet
Nemmsch chli schwarze Kaffisatz
Ond e Priise Chilemax!
Denn duesch chli Schniiderkari drii,
es Schlöckli Wyss darf s ou no sii.
Wenn das jetz mixisch zu eim Satz,
gets:" Nöi in Kappel Farbe-Max!"
Die Gängschter hei sech is Füschtli glacht!
Hei Znüni gnoo i der Schtube ond e Souornig gmacht
Denn hei si no d'Schue potzt, ond hei sech verdröckt,
zletscht hei si em Schef no es SMS gschickt:
"Haben kein Geld, nur Schmuck und Trainer und so.
Waren bei Kassier von EHCO!"
Wenn chli z'fuhl besch,ned wott'sch loufe,
gang der go n'es Kickbord choufe.
Dasch mega Geil, dasch top, dasch hipp.
Jetz git's no e Gratistipp!
"Marcel klär's ab, das esch no wechtig.
Du wärsch gloub Schwärverchers-Abgabe pflechtig!"
Jo secher, der Minder, der Schofföör, dä könnsch!
Är esch sone weztige, fröhliche Mönsch.
Gsesch ne no ab ond zue mou i der Linde
Süsch chasch ne secher i sim Wintergarte fende.
Dört sengt är ond örgelet ond s'esch ein souwohl.
Är wohnt im "Big-Brother-Container" vom Bohl!
Der wärdet s gseh müesst nome warte.
Ee due d'Schtäuzelöifer schtarte.
Ee due met der Pischtole rechtig schiesse!"
Är schtöut der Buuch ond duet das gniesse.
D'Schöss göi ned ab. Das get Verdruss!
"Chlöpf doch met emene Bierverschloss!"
S'Bushüsli das wird abmontiert.
Ei Schtross dernäbe disloziert.
E nöie Aschtrich get's, e wiisse
Das chrumme Ghütt, das esch zom göisse.
Andi, esch dir chli der Meter verrutscht,
oder hesch e Plan, vo der IKEA verwütscht!
Esch Renderwahn urschprünglech britisch?
Ond esch's ou för d'Mönsche derewäg kritisch?
Chont's wörklech vo Ängland, oder schtimmt's was me seit?
S'heig e Schwoob dä Wahn of ne Chue öbertreit!
Schön esch das Öschtriich verschont dervo blibt.
Die wüsse drom ned wie me BSE schribt!
Wottsch öppis wüsse öber Elektrizität,
denn esch der Luis e Kapazität.
Höt duet är Schpargle ond Chürbis züchte
Verzöut ou die schönschte Röibergschechte.
Luis los, ganz im Vertroue,
jetz chönntisch doch chli Hanf aboue !
Der Dinu goht a d'Gmeindrots-Sitzig
ond dänkt, hüt wird's gloub weder hitzig.
Är macht sis Mäppli uf - oh Gruus.
Nor s'Znüni lacht ehn a dört drus.
Wo chönnt är sini Akte weder fende?
Velech deheim ond süsch i der Lende!
Die Ami's mache e riise Meis,
isch das es Löchli, oder isch es e keis?
Öp si vo Hand no wei afo zöue,
oder öp si die Zedle nur schetze söue.
Jetz weisi no Ämmetaler-Chäs nach Norm.
Sit de Wahle hei die doch es Löchli-Syndrom!
