Si bohre dört, und bohre do
alles isch dergäge,
dä Chärnchraftdräck versorge wo?
cha mer's eine säge?
Däm Dräck würd's sicher bäumig gfalle,
im Chäller vo eusere Tennishalle.
Die Uniform isch "Haut Couture"
d'Hose si blau und beige
alles zäme isch schampar tür
d'r Schnitt isch vom Courège
Mir hätte do e Geischtes-Blitz,
löit se lo schnide vom Schtäge-Fritz
Mir sette ne bessere Panzer ha,
und Flüger wo cheu flüge,
S'Schturmgwehr chund au nöchschtens dra
das cha mer nit ablüge.
Das Ziel das wei mer scho erreiche
jetzt flicke mer zerscht im Gnägi si Scheiche.
Er isch d'r Schnällscht, er isch d'r Schläuscht,
er isch im beschte Alter,
er putzt und putzt und putzt und putzt,
euse Müller Walter,
er isch d'r schnällscht me weiss bereits
z'Hägedorf i d'r erschte Beiz.
Entschuldigung, das schtimmt gar nid,
jetzt hei mer übertribe.
So dummi Gmeindröt gits gar nid,
mer hei n'is do verschribe,
set trotzdem eine zum Richter schpringe,
isch's dä wo mir wei usefinge.
Er cha chum rächne und nid läse,
isch drümal blibe hocke,
isch dümmer als e Risigbäse
duet immer e chli bocke.
D'r Lehrer seit "Hansli muesch nit drunger lide,
im Gmeindrot z'Chappu wärsch no bi de Gschide".
Es schneielet, es beielet,
es goht e neue Wind.
D'Führwehr isch sit einiger Zyt
euses Sorgechind,
sid as der Richter hett d'Buesse itribe
hei grad es Dotze der Ustritt gschribe
