Im Chrütz, do hets da-ritätä,
letscht Johr e neue Beizer gä.
Wenn's erschtmol wotsch döt ine go, de chasch es fasch nid fasse.
Für eis Sirüpli chläpperets e Stund lang uf der Kasse.
D'Grüen 80, das isch Vergangeheit.
Die Schou isch halt chli abverheit.
Niemer weiss, wo mit däm cheibe Dinosaurier he.
Dä chönnt me doch als Abschiedsgschänk im Vögeli Heiri ge.
Jede liidet Höllequale,
wäg däm cheibe Stürezahle.
Der Gmeindrot seit me muesi schpare, nid nume hüt, nei immer
doch er, er macht e Lagerrum, im türe Gmeindrotszimmer.
Die Chappeler Meitschi chöi frohlocke.
Jetz macht sech jedi rasch uf d'Socke.
Euse Playboi Nummer Eis, dä mit ein Fuessbau-Libli,
isch wider frei, denn är isch abblitzt bi sim Flumserwibli.
"Jetz lueged ou das Lisebeth!"
Was äs für Gmeind scho gschaffet het.
Es schribt, und wehrt sech, und chrampfed und chasch's i jedem OK finge,
mit siner Soupless und Kondition wär's eis für's Wiiberschwinge.
Z'Härchinge isch es Dorffäscht gsi,
dr Radfahrer Müller isch ou döt he.
Sit as Paola uf si Arm e Unterschrift gmacht het,
cha er sich nümme wäsche und mues dräckig Znacht is Bett.
S'git spezielli Rüttelpiste,
wo d'Industrie cha d'Outo teschte.
Statt as si extra Piste mache, mit Löcher riesegross,
chönne die uf Chappu cho uf eusi Schuelhusstross.
0 je, 0 je, 0 je, 0 je,
e ha der Mäni Wäber gseh.
Jetz müese mir ihn öppe de, zum Radio zrugg schicke,
denn für i TV-Bildschirm wird er langsam chli e z'Dicke.
