E ha mou mit emene Gunzger gredt, wäg ihrer Mehrzwäckhalle
"Dir Chappeler, dir sid doch Naare, das muess öich gar nid gfalle."
"Naar si macht bis nid vertage,
darfsch öis nur nie Gunzger säge!"
Warte, warte nüt aus Warte, nach em grosse Fäscht.
Wär wartet ein Egge uf sini Fahrte, uf di und d'Wirtshusgescht.
Gmüetlech go ni z'Fuess jezt hei
und immer no wartet dr Taxi Frei.
Am Schtammtisch seit der Müller Walti: "das Hüsli isch e Wucht,
wenn einisch gosch, gosch immer wider, s'isch fasch wie ne Sucht.
Das Hüsli wäri richtig nätt,
wenn's nur e Veloschtänder hät!"
Wotsch di hüt go informiere und schautisch s'Färnseh i,
chunsch nümme drus was die jezt biete, Tagesschou sött das si.
Schtrichet die Tagesschou prinzipiell
und sändet derfür Emanuelle.
D'Frau Kopp, die isch Frou Bundesrot, si het die Hürde gschafft.
Doch d'Mätzli, die vo ihrem Aute, hei ere Sorge gmacht.
S'Doris Strub het andri Sorge,
si Maa, der Schorsch, heisst jezt Georg e.
Är heisst Trautweiler und är wohnt i der berüemte Hofstatt.
Är isch Profässer und är findet s'Dusche dusse souglatt.
Är duschet dusse sapperlott
im Sommer immer füdleblutt.
Öisi Sandspielplatzschtratege hei jetz die dürschti Chatz.
Dr Leopard, so het me ghört, sig ihre liebschte Schatz
S'EMD mues drum , dass si laufe
für alli Panzer Viniette chaufe.
Dr Hueber Peter sitzt am Tisch und rauchne duet si Gring.
Aer schribt sich sini Finger wund, es weis drum jedes Ching.
Zahle döi mer lang scho Schtüüre
a öisi neui Dorfbroschüre.
Dr Urs verzäut im Underdorf heigs nöierdings Vaiöre,
wo z'Nacht döi mit der Taschelampe Liebespärli störe.
"Urs, die döi nur öisi Gärte,
kulturell nach Schmuck bewärte"
Dr Egli Fons kämpft wie vergiftet, das chline Glazemännli.
Für 100 uf der Autobahn zum Schutz vo eusne Tännli,
Dä Cup isch ihm jo nid ganz grote,
drum döi mir ihn uf 100-er-Note
