S'Nääfe Viggi nimmt der Rucksack, leit d'Uniform a.
Goht a d'Inschpäkzion und schtoht forne dra.
Hätsch nid müesse cho, hesch nüt do verloore,
der isch i der Frisco, chli s'Hirni iigfroore.
Am Fulebacher-Wäudli, am Fulebacher-Schtotz,
do hocke drü Wiibli und chratze ...
Am Fricker si Schtammplatz isch z'Chappu im Chrütz
wenn är usegoht git's vom Röösli no zähtusig Schmötz.
Mer hei jetz e Schugger, das isch doch dipp-dopp,
der Möuer uf der Schteiblatte het so ne Tschopp.
Aus Schugger darfsch s'Hirni nid z'fescht schtrapaziere,
drum goht är am liebschte, mit der Geiss go schpaziere.
Der Bobscht Pius lached, das isch doch famoos.
"Dä Boum schtoht grad richtig, zmit's uf der Schtrooss."
Är rächned scho s'Gschäft us, är ribbt sech scho d'Händ,
"Wär do i dä Boum fahrt, dä hed zäh Prozänt."
Mi Hund dä heisst Arno, der Dirigänt ou.
Är isch ganz e g'fitzte, aber schücht jedi Frou.
Ober Musig het är es ganz enorms Wösse.
S'Nääfe Viktor lehrt ne jetz no, wie nie duet kösse.
Der Sepp vom Nöigrabe goht sempre i s'Titschino,
i d'Ferie, dört trinkt är de nor Boggolino.
Un boggo Nostrano, avanti io heigo,
übere Gottardo (pumm) Auto gaputto.
S'isch guet, git's i der Phouse e Öpfu zum ässe,
öise Chlinscht het drom d'höufti Zit s'Znüni vergässe.
Geschter ha'nem e Schtotz gäh, für'n e Berliner go z'poschte.
Do frogt mi dä Luscheib, was e Pariser wörd choschte.
A jedem Fäscht z'Chappu do isch's em souwohl,
är trinkt ne zwar mässig, doch nor Alkohohl.
Wie länger as goht wird's ihm immer wöhler.
Är isch gäng der letscht, der Peter Tröhler.
Der Amme duet deheime der Raase zämeräche
und ou ganz elleini der Garte umeschtäche.
Das isch dänk sis Trening, do git's gar nüt z'lache,
är duet drum für's Lääbe gärn, Schpateschtich mache.
Do g'seht's us wie nacheme Atomunfall,
oder isch's bi der Sandoz in Schwizerhall?
S'isch keis vo beidem mer si öis im klare,
der Hunsperger isch, is 'Schöpfli gfahre.
