Der Gasser ere Bronz werd in Rom analisiert
je z esch die armi Sandra disqualifiziert.
Sit deer med öis einig, schtöit uf ond döit necke
Mer wette drom s'Mosers i Kontrolle-schecke.
Näbscht Schwarze, Rote, Gääle get's d'Outo-Partei
d'NA ond die Grüne sige scho nömme nöi.
Was mer aber z'Chappu politisch noni hei,
das esch en "Erscht-Ouguschtfüür-Bewacher-Partei"!
Bim Förschter siner Bouschtöu het's Bigine Houz,
ond e roschtige Krane, of dä isch är schtouz.
Aer hed fasch mee Houz, aus i der Sagi der Käller
nor em Käller si Krane, dä roschtet no schnäller.
Z' Bonige get's e Weier, dä passt schön is Gländ.
Bim Armin get's Süessmoscht, bim Lenz get's Prozänt.
Bim Soffi am Bronne chond Wii dasch ned domm.
ond e suffe kei Wasser, seit sech der Chromm.
Es Dampf-Füürwehr-Outöli het är sech kouft,
Der Heiri, wöus schprötzt ond ou henderzi louft.
Dä chouft sech no eis, das döi mer fasch wette,
Aer suecht nor no e Schponsor för d'Meta-Tablette.
Der Hägendörfer Amme dä macht sech Gedanke,
är get nach der Quer-WM jedem zää Franke.
Bedingig die schtöut är, das esch ned e Wonsch,
darfsch niemerem sääge,dass vo Hägedorf chonsch.
Der Wyser Wauterli fahrt zom Meier Beat
dort schtot scho der Fäudschlössli-Wage parat.
Schtatt Möuch leere chouft är sech Bier, das esch toll.
Ond zobe si d'Channe emmer no voll.
Der Schtuder Hans verwaltet vo der VDK s'Gscheer,
ou im Pfarreiheim engaschiert är sech sehr.
Aer cha drom a jedem Vereinsfescht chli lööte
ou Glägeheit get's öppe, bi de Froue chli z'dööple.
E Houz-Schnetzu-Füürig seit der Marcel sig es glöu,
dä Rouch ond die Schaadschtoff si no schlemmer aus Oeu.
S'esch ned Oeu wo so schtenkt, si ned Schaadschtoff wo schtööre
dä sdu med sine grusige Schtömpe ufhöore.
75 Johr Tornverein das esch es grosses Fescht.
med Täm-Täm ond Tra-Tra ond med huufe Gescht.
S'Lisbeth Hummel esch e ruegi ond esch ned för's plagiere,
drom duet's nor zu 65 Johr gratuliere!
Am Neu Jorker Marathon Louf är gäng met
Wie decker der Ranze wie chörzer der Schrett,
Si suechenem e Frou e nätti kei Bääse
so het mes chönne im Anzeiger lääse.
