Mer brenge öich sit einige Johre,
Värsli, ond der schtöuet d'Ohre.
Döu hei sech amüsiert, hei glachet, döu si chli entsetzt.
Fertig - schluss - mer wärde z'Hägedorf aus PUK iigsetzt.
Miau Miau Miau Miau
Miau Miau Miau Miau Miau Miau Miau
S'Hanni esch entsetzt:" Du blödi Chatz was muess e gsee,
e ha der doch vo mine Antibaby Pille gee !"
Der Marcel, dä cha ned is Bett,
wöu är nümm Dorscht, aber Honger het.
Aer macht der Chüeuschrank uf, grilft zue, der Honger esch vergässe.
Am Morge seit sie Frou: "Hesch du der Chatz jetz s'Wiskas gfrässe ?"
Der Boniger-Pöschteler esch e helle,
blonde, ond ou schiint's e schnälle.
Der nöischti Gäg vom Lötscher Douf, är esch haut scho n'e gschiide.
Aer duet sech d'Fingernegu met ein Rasemäler schniide.
Der Heinz dä goht a Samschtigschtamm.
Meischtens goht dä Schtamm chli lang.
Im heigoh duet är s'Wasser lööse, bim Gubler sim Hag, he, he
Däm mues me doch zom letschte Bier es Robidog-Seckll geh.
I öiser Schwyz esch's nömme schön.
Wäg däm Düsejeger gschtörm.
Früecher oder schpöter föi die Flüger a fo roschte.
Villiger due doch för d'Armee so Wäschpidätscher poschte!
D'Chappeler Musig het öppis vor.
Si singt jetz nöierdings im Chor.
A der letschte Unterhaltig het me's chönne loose.
Wäm duet äch jetz der Männerchor gli mou es Märschli bloose?
Was Hans nicht lernt, lernt Hänschen nie.
Wär flüssig üebt, dä isch derbii.
Drom hocke jetz die SP Lüt, es isch fasch gar zom lache,
a der Gmeinrotzssitzig ond düe Schtenokörsli mache.
Am beschte duet mer d'Winterpneu,
montiere vor em erschte Schnee.
"E mach es säuber ond due schpaare", het sech eine gschwoore.
Der Moser Max - derför het är scho z'Wangen s'Rad verloore.
Klar abglehnt, ned öppe knapp,
het d'Gmein dä Chrützigsforz vom Knapp.
Jetz wär är froh, är wördi of der Chrützig Schene finde,
de chönnt me doch vo Gösge es paar Greenpeacler drabende.
Wär trampet do so wie ne Moore ?
Fahrt im ene BMW um d'Ohre.
Säubscht z'viert hei si ne gschnappet, fertig esch die Jagd die wöudi.
Nor wöu der Häubach Willi hed es färndrigs Nummereschöudii.
Z'Chappu het's, das hei mer gseh,
för Hundedräck so Chäschte geh.
Werum si denn die Chäschte grüen? Das Isch öis gar nid klar.
Schön wär doch so knallig rot, denn rot isch z'Chappu rar.
