Fasnacht 2001 Lied Söiborschte
Melodie: Anton aus Tirol
Das esch so schön, s'isch zwar ned nöi,
das esch es Lied wo aui chöi!
Z'Chappu duet me d'Schtüüre sänke,
muesch derbi jo ned viel dänke.
S'esch ned schwär, doch macht's haut populär!
Das esch so schön, so seit mi Frou:
"E goh a d'EXPO chunsch Du ou?
Lo die Nörzi doch lo lalle,
Öis wird d'Expo sicher gfalle!
Bisch derbi,
met Nöieburgerwii!
EXPO EXPO EXPO EX
Das esch so schön...
Die Schuelhuusschtross,die esch doch toll,
am 11 i esch si graglet vou.
Met Auto wo uf d'Chend döi warte.
Alli döi denn dore schtarte,
Es esch es Chaos wie anerer Boxeschtross!
Brömm brömm brömm brömm brömm brömm brömm
Das esch so schön...
Der Fühwehrschef vo Bonige duet,
im Garte füüre. Esch das guet?
D'Polizei esch häregrönnt
Loht d'Füürwehr cho, he jo wöus brönnt.
Das esch brisant
bem Führwehrkommandant.
Fürio,fürio, fürio,für
Das esch so schön...
Wenn sech der Dokter Stampfli schnitt,
mer säge öich das esch e Hit,
mer gloube das esch wie wie n'es Wonder,
Denn us däm git's Schnetz ond Drunder?
O weh, o weh
mer hei das säuber gseh
Schnetz ond Drunder,Schnetz ond Drunder
Das esch so schön, das esch so toll,
Jo zom Glück get's Alkohol!
Wottsch chli Schanse z'Chappu ha,
drenk zäh Bier, denn besch e Maa.
E Wisky puur,
esch ou guet för d'Figur!
Dr Moritz störzt, är het das gseit,
wenn d'Fielding Shawn z'töu Böppi zeigt.
Was die macht dääne bi de Schwobe,
öis gfalts, mer chöi das nome lobe!
E heisse Tip, wenn d'Expo set harze.
Löit d'Fieiding lo cho met erne Warze.
Logistisch gsee, esch das genial
Met ein Mundi zäme gemeinsam eSchtall.
Gschteigeret het sech enorm der Ertrag
Ond d'Chüe wärde glücklicher, vo Tag zo Tag.
S'Heiweh nach Chüe, das cha me verdränge.
Nor muess är jetz usswärts a d'Utter go länge!
Höt duesch nömm öber Oschtfriese lache,
ond keini öschtricher Wetze me mache.
Höt seisch keim Mönsch me blöde Schwob,
Nömm Jugo, Tschengg ond Törg, gottlob.
Schempfwörter spaare, das chonnt öis ganz gläge,
chasch jedem EURO-Trottel säge!
Der Chochklub Heidechuchi macht
"Schnetz ond Drunder' s'esch e Bracht.
S'git huufe Fleisch ond fasch nüt drunder.
Met dene Chöch esch das keis Wonder.
Die settes haut langsam vermiide,
s' Fleisch no ab de Fenger z'schniide!
Bim Friedli Hans chasch Bulleritte
ond eine hinder d'Binde schötte.
S'git Chalb vom Schpiess das het me gärn,
doch g'schiffet het das gruusig färn.
"Mach doch e Schlammschlacht schtatt Bulleritte!"
Z'Chappu hät's einigi Top-Favorite!
Mer luege doch all!, das esch ou kei Sünd,
d'Famili Fred Feuerstein ond Frönd.
Die döi ehri Briefe of Steiplatte schriebe,
ond döi ehri Fende met Keule vertriibe.
Die hei ou Brüeder ond Onggle ond Tante,
im Chrützfäld obe wohnt e diräckte Verwandte.
Der Büttiker Peter, me gseht em das aa,
esch för d'Polit-Szene Chappu der rechtigi Maa!
Är lost ofs Volk - au Tag i der Linde.
Döt chane si Frou im Notfau ou fende.
"Jetz lersch no wäsche dini Slip ond Socke,
denn darfsch nachem Gmeinrot i der Beiz bliibe hocke!"
Der Flury, der Ärnschtli, der Dino schiens ou,
alli si im KTV.
Der Gubler Ruedi het zom Gschpass,
e Buchtanz bschtöut före Bänzejass.
Är het zuegluegt met rote Ohre,
nor suecht är höt no nach Sponsore.
Der Matthias Ulrich, das esch klar,
esch der nöii Schuting-Star!
Als Filmpoet het ärs versuecht,
ond wösst der wär dä Film het bsuecht?
I der dritte Rheie - e be jetzt no gschockt,
esch der Harry Potter ghockt!
Mer göi a d'Expo s'esch glii so wit,
wär weiss, velecht get das glich none Hit.
Könnet der dr Ondersched zwösche Gmeindammewahle,
ond der Expo? - Nei s'goht ned dromm wär söu das zahle!
D'Expo die het en Art de Plage,
ond d'Ammewahl esch of die Art e Plamage!!
