Lied 2004 Soiborschte
Rote Lippen soll man Küssen……………..
Nach föifezwänzg Johr Bränte-Zonft, göi mer chli öber d'Büecher.
Wenn mer die alte Färse lääse, heisst's scho:" Weisch no früecher?"
Gar mänge esch a d'Reihe cho, e öisem Schnitzubank.
Doch loset deer no emmer zue, mer säge:" Gottseidank"
Refrain:
Gottseidank gets d'Bränte-Zunft. D'Bränte-Zunft die macht das guet,
het e chli e frächi Röhre, aber ou chli Muet.
Mer döi öich unterhalte, s'isch zwar ned immer Klass.
Doch d'Houptsach esch, der heit der Plousch, ond heit met öis chli Schpass!
Met Senge ond mit Füdlischwenge, wird'sch zum Superschtar.
Die Dütsche hei das produziert, mer maches noche-klar.
Ond z'Chappu gets of afangs Johr, das esch doch wunderbar,
kei nöie Ehrebüger nei, mer wie e Super-Naar!
Refrain:
Im Färnseh het me wuchelang au Tag i der Arena –
Au Tag die gliiche Grende gseh und emmer s'gliiche Thema.
Der Blocher esch jetz Bundesrot, esch gwählt met vöu Tamtam.
Jetz esch är plötzlech zemli duch ond brav fasch wie n'es Lamm.
Refrain:
D'Chemie-Fabrike mache Gwünn. Der Hakan Jakin lügt.
D'NEAT die chunnt schampar tüür. Der Bundesrot dä flügt!
Der Federer wird Nummer Eis, wie chönnt's ou anders si.
Dä mues, so wie sech dä bewegt e Bränte-Zünftler si!
Refrain
Play
Wenn e Naar besch
Wenn e Naar besch ond chli chasch senge,
chasch's bis zom Schnetzubänkler brenge!
Wenn nor chasch senge, ond besch kei Naar
denn werd'sch vellecht no "Music-Star".
Ond wenn chli schtaggelisch, hei mer gseh,
denn längts nor no für Wätterfee!
Play
Der Cuche ond der Kärnen
Der Cuche ond der Kärnen, jo secher dasch wohr!
Die sueche för's nöchscht Johr e nöie Schponsor.
Si si bald die langsamschte uf der Wäut,
ond choschte glich e huufe Gäud.
So langsam – so tüür, das esch doch bigoscht,
dä Wärbeträger för öisi Poscht.
Play
Der Roger Lang
Der Roger Lang, der Wirt vom Chöbu,
nemmt ne die Eskapade öbu.
Är het ne VIP-Charte organisiert,
ond het sech gruusig dermet blamiert.
E Brief esch cho vo Mönche vom Fäscht.
"Schick uns nie mehr solche Gäscht!"
Play
Im Marcel werd
Im Marcel werd die Sach denn z'bont,
är wartet bis es Taxi chonnt.
Är esch i siner Ehr verletzt,
ond d'Taxi die si alli bsetzt.
Do ändlech – "Taxi (hiks) send se no frei?"
"Was wülst, i bi doch d'Polizei!"
Play
So huufe Bier
So huufe Bier das dröckt uf d'Blase,
der Gubler Ruedi gseht me raase.
Är suecht en Ort zom uriniere
ond cha sech plözlech nümm orientiere.
Der ganz Tag dräit är sini Runde.
Der KTV het är nie me gfunde!
Play
Of der Wisen München
Of der Wiis'n z'Mönche chame se gseh.
Si suufe ond suufe emmer wie meh.
Denn artets us, s'wird emmer schlemmer,
me loht d'Hose abe vor frömde Frouezemmer.
Wenn eine osswärts duet wie d'Sou,
ghört är secher zom KTV.
Play
S'Theres fuschtet
S'Theres fuschtet:"S'goht ned om's verrecke.
Der Hans het vo enne de Schlössu lo stecke."
Si cha ned ine, stoht dehei vor der Tör.
Der Hans lit im Bett ond cha nüt derför.
Dä Schlössu passt ned, besch Du e chli zue?
Met däm chasch doch nome s'Pfarreiheim ufdue!
Play
Schad esch's före Katastrophe-Franz.
Schad esch's före Katastrophe-Franz.
Aus Bundesrot längts haut ned ganz.
S'Metzler-Ruthli schecksch i d'Wüeschti.
Ond wählsch zwee alti Chlöis, so wüeschti.
Es Gliir es Glätsch e Sässeltanz,
nei si das esch Konkordanz!
Play
D'Flavia Stuber
D'Flavia Stuber luegt of d'Uhr,
si mues no schnäu of Schopping-Tour.
I d'Chäsi abe fahrt si rassig.
Der Strossebüezer fends ned schpassig.
Är het e Röhre vou usegloh.
Vor Schreck lod d'Flavia s'Outo lo schtoh
Play
Der Lütnand Roman Hellbach wot
Der Lütnand Roman Hellbach wot
sis Hüsli täfere sapperlott.
Är duet vor luter Läde mässe,
s'Iirocke i WK ganz vergässe.
De chonnt halt d'Heerespolizei,
ond seit:"Mer hei e Zälle frei."
Play
Nach 25 Johr Färsli mache
Nach 25 Johr Färsli mache,
han e schampar müesse lache.
E so ne Seich hei mer vernoh
S'Raglett söu vo Öschtriich cho.
Das wär doch gliich, wie wenn mer bhoubte:
"D'Kaiserin Sissi chunnt vo Oute!"
