Früecher hesch am Samstig scho
Poscht zom Zmorge öbercho.
Met däm A - und B - Poschtwäse
chasch Zitig ersch zom Zvieri läse.
Der Tierlidokter Düggeli
pflegt Chüngu, Chüe ond Göggeli,
wöu's bim Ombou ned so louft
het är e chline Bagger kouft.
Aer höuft ned nor wenn d'Tierli blüete,
nei chasch ehn ou met Bagger miete.
Der Hänggi Stefan esch der Scheff.
Der Flury esch der Rössorscheff.
Der Rieder Willy esch der Büezer,
Pflüeger, Sauzer, Trottwarschnützer.
Die drei si för öis bi Schnee
öppis wie ne Gheimarmee!
Tennis esch es magisch's Wort,
aues red vom wisse Sport.
Doch wos het gschneit chli wisse Pracht
esch Traglofthalle zäme kracht.
Oje oje oje, oje ...
es het es betzli zföu Schee gee....
Der Roli esch, mer wösse das,
politisch gsee en alte Haas.
Autopartei het är jetzt gschwore,
esch är äch i de Wächsujohre?
Der Hansruedi dä blüetet schwär,
wo het är ächt die Wonde här ?
Was esch ächt los? Was esch passiert?
Aer het sech s'erscht mou nass rassiert.
Der Brunner Röbi wott's jetzt wösse,
är schpöut de Chappeler ehres Gwösse.
Das passt zu däm, gschide Maa,
nüt leischte nur e Dummi ha.
Z'Hägedorf esch öppis los,
i der Zitig lesisch's gross!
Me seit jetzt nömm, - mer döi das gniesse –
nöm Hägendorf, nei Wolfeschiesse.
Der Bole het doch chörzlech mou,
i der Zitig gsuecht e Frou.
S'het Bluemestöck gäh zwe bis drei,
ond d'Nadig wäri ou no frei!
Wenn dorscht hesch, gosch emou i d'Linde
de giessisch eine hinder d'Binde.
Dört gits ou ab und zue emou
e ganz e spezielli Schou.
Der Otti Schoub hed, s'hets verlitte
ein Dinu grad sis Gschtröpp abgschnette.
