Wär gsesch die schönschte Schale träge,
Gravatte, stiifi Hömmlichräge
Paul – do Wörde d'Froue flippe,
wenn du im RTL wördsch schtrippe.
Im Frohsenn het's e nöie Wert ond nöi Vorhäng.
Der Wert esch läng ond d'Wertin höbsch on emmer froh.
S'het joöngi Gescht ond öuteri, met nor no zwe Zäng.
Nor set der Wert de Gescht ned s'Bier i Aecke loh.
Bes Friedli's get's e Schrei, es Schprötzt.
Im Hans het's brämse nüt me gnötzt.
Wöu är der Mäier nömm ch dräie,
duet är im Bassä witermäie.
Z'Chappu esch e Krane um - ond grad of's Huus gheit.
Das Huus gseht komisch us, ond d'Lüüt die lache drapp.
Das gäb es Zonftlokal för öis, ou hätte mer Fröid,
denn das Huus, das het jö scho en Egge ab.
Me seit zorn Furrer-Franz: "Du settsch
es Gsuech mache, wenn d'boue wetsch!"
Aer meint: "Nor so chli schtriche darfsch,
sowieso wenn alles säuber machsch.
Dä Bagger - seit är onschiniert,
"met dem han eg nor Farb angrüert! "
Der Ruedi het am Sontigmorge siner Frou gseit:
"Mer göi of Mariastei, denn hei mer öisi Rueh!"
Denn het är rassig no zwöi Wörschtli of e Grill gheit.
Nor set me d'Glüet ne i ne Kartonschachtle due.
D'Börgergmeind duet fliisig wärbe,
chasch gönschtig Chappeler-Börger wärde.
S'git drei Schteer Houz, i der höchi Flue
ond gratis en Asylant derzue.
S'goht s'Nääfe-Viktor ond si Frou of Bärn go boschte.
Dört hei si grad pär Zuefau d'Buure-demo gseh.
der Viktor suecht för d'Frou e Schüp, s'darf öppis choschte.
Schtatt e Schüp hett's Dränegas i d'Ouge gäh.
S'esch städtisch orientiert, s'gseht komisch us.
Die Halle, das Mehrzweckhuus.
So wie mer die Boniger könne,
get's dört jetzt de Schnäggerönne.
D'Chappeler Musig het wie all Johr Unterhaltig.
S'Konzärt esch guet ond d'Halle besetzt ond d'Schtemmig toll
Ou die Kür vom Peter Wyss die donkt me gwaltig,
e Doppel-Tulup met Noteständer im freie Fall.
Der Sonderegger-Peter het,
wöu ar s'chli bequemer wett,
es Outo kouft met Outomat,
wo ganz elei der Born abfahrt.
D' Froue hei dä Summer gschtreikt, wie me jo wösse
Schiins wäge Gliichberächtigung bem Lohn ond so.
Der wohri Grond esch, d'Bräntezonft macht sech es Gwösse,
wou d'Froue eifach ned i d'Bräntezonft chöi go.
