Der Wäber Helmuet het aus Wirt
ond Chochischef, Kapaziteet!
S ' Chrüz das esch e feini Bude,
wo drinke chasch und öppis fude.
Nor - setsch Gescht ned froge, wo ne Ranze hei
ob se is Schwangerschaftstorne göi!
Wo das mit öis cha häre füere
wenn d' Froue sech emanzipiere.
Eini het e grossi Röhre,
a jeder Gmeind chash's ex mou köre
der Name wösse mer nöm rächt;
doch - see esch guet - ond är dr Chnächt.
Wenn gärn met hondertachzg duesch faare,
zersch bi der Lehrerlöhn wörd'sch schpaare,
wenn jedem Gmeinrot Haubschue seisch,
am Schtammtesch aues besser weisch,
wenn fluech'sch öber aues of der Ärde,
chasch Outopartei-Kantonsrot wärde.
Wenn mer döi d ' Outo zämeschiesse,
döi s' Bobste schöni Ferie gniesse.
Doch Schiifahre het sini Töcke,
"Was esch ou los das d'Schue so dröcke?"
Der Pius schiesst d ' Schii ine Egge.
"Setsch haut die eigne Schue aalegge !"
Z ' Loschtorf am Tornfäscht, s'esch e Gnoss,
si d'Männertorner guet im Schoss.
Gsond ond fit si, esch der Zwäck.
als Priis get's no e Site Schpäck.
Hei ächt die vier der Priis vergässe?
Nei, si hei dä Schpäck grad gfrässe.
Der Turi seit mer em Vertroue:
"Der FC wott es Kluphus boue."
Es chliis schöns, so met Satteldach,
ned so höch, nei nor ganz flach.
Onterchäleret jo ned z'knapp.
Der FC schtigt drom meischtens ab.
Wenn mou met Süessmoscht chli wott'sch proschte,
denn gosch of Bonige go moschte.
Du mäudisch dee bim Nyffeler a,
der Armin wott 's drom pönktlech ha.
Chonnt eine eifach so derhär,
gett's - en Aschiss wie em Militär.
Behörde vo öis Chappeler-Naare
gäge alterndi FC-Schtaare.
Eine schiesst zwöi Gool da'sch s'Wonder
der Sigi, öise gääli Bomber.
Aus Schtopper wär är ned so toll,
dört get's drom gärn es Eigegool.
D'Heidechochi chochet s'Wonder.
Am Barbara-Tag get's "Schnetz ond Dronder".
Härdöbfu, Schpäck ond brönnte Zocker,
Gröichts ond Öpfu schechte si locker.
Met föu z 'föu Fleisch hei se chli Chöschte,
werom ? - wöu Fleisch das muesch ned röschte!
Am Barbara-Tag, das esch e so,
muess d'Börgergmein of Bonige goh.
Ou gschlosse esch - ond das wiegt schwär,
D'Tornhalle denn för's Militär.
Der Börgeramme närft's ned weeni,
nor wäg föfzg Joor Zippe-Vreni.
Der Jassklub goht, so vöu e weiss
aus chlinschte Klub ou mou of d'Reis.
S'gitt näb'scht der schöne Fahrt im Zoog,
als Hit, en Tandemgleitschermflog.
Der Presidänt esch gschockt do drab,
drom goht är z 'Fuess der Hoger ab.
Är hätt scho drout, nei ohni z'lüüge,
är duet nor net gärn gleitschermflüüge.
Der Poschtblock sig, das esch kei Witz,
s'Zentrom fo der ganze Schwiz.
E Woche lang im Radio
si aui Poschtblock-Staare cho.
Aus Oberschnörri der Turnher ou
ond d'Grolimund-Bea aus Schnörrifrou.
Der EWR dä esch bachab,
döu gränne ond döu lache drab.
Der Delamüra wird ganz räs:
"der Schwiizerdütsch mach nur no Chääs!"
wenn dä no lang duet omeschreie,
chönnt är i Röschtigrabe g'heie.
Aus Hornussi wei mer chli schtöpfe,
insektemässig e chli möpfe.
Doch eis, das macht öis s'Läbe schwär,
die Flüger do vom Militär.
Denn öppis möge mer nid verträge,
dörft öis nie FA/18 säge !
