Lied 2000 Soiborschte
Sali zäme, mer si do
Heit er alli z'Trinke scho
Jo mer wüsse, der wartet scho lang
Wenn goht's jetz ändlech los,
jo mer si hüür famos.
Ond öich isch's sicher scho Angscht ond Bang.
Drum losed jetze zue
Mer hei Färse bis gnue
I öiiisem Schnetzelbank.
Lached glich wenn's ech breicht
denn hei mer z'Ziel erreicht
Ond der Kassier seit öich beschte Dank
Nor no eis chas jetze brenge
Wenn mer jetz föi a fo senge
Ond deer der losed zue
Mer döi öich e chli verhudle
Ou wenn mer ned chöi jodle
Joli joli du, Barri gib rueh !
Was het der Marcel mettem Kohl
gemeinsam - he der Alkohol!
Beid si schtuur im grosse ganze,
beid si schwarz ond hei e Ranze.
Wotsch's aus Schtänderoot versueche,
de muesch no lehre Schpänder sueche!
S'Hochhuus sig z'choufe, mer hets öpis gäh,
d'Gmein wöus vo der Aargauer-Bank öbernäh.
Der Marcel witteret finanziell es Gschäft
ond d'Aargauer-Bank dänkt: "Öis wäri das rächt!"
Marcel wenn wotscht ines Verloschtgschäft loufe,
de chasch ou im Turi si Krane choufe!
Chasch Chleider choufe Sekendhänd,
der Kougommi chläpsch met Vorteil a d'Wänd!
S'get Kafi Hans, Berliner ond soo,
Hockeyschtäcke ond Lavabo.
Wösst deer of was mer jetzt no warte?
Of d'Unternährer-Kumulus-Charte!
Der Tièche ond der Adubärt,
die fende das esch scho der Wärt,
die Bouschtöu au Tag z'inschpiziere,
dä Cheleombou z'kontrolliere.
Der Steinegger Franz dä het se schiins bätte,
öb se ou d'Expo wörde rette.
E Fahrt mettem Töff ofe Napf wär doch guet!
Zorn Omchere bruchts zwar es betzeli Muet.
Der Veggi chert ned om, ehm werds e chli fahl,
zom omchere si nämlech d'Schtroose chli z'schmal!
Am Ziel esch d'Beiz zue, är nemmt dromm zwe Schtüehl
deckt sech zue met der Fahne "Brrrr - esch das chüehl!"
S'Chäsi-Pia rüeft: "Oh Gruus,
jetz göi mer d'Köderseck no uus!"
jetz si si scho wider ufe Hüür
die blöde Seck die si vöu z'tüür
on Du vediensch pro Roue zwänzg Rappe
derför git's e Ghödersack-Verchoufsschefchape.
Bi Otto's Warenposten hets
schöni blaui Seife jetz.
S'Olga chouft di Schönschti grad,
ond leit se bi sech deheime is Bad.
Olga Du besch glich e subere Mönsch,
ou wenn der Ondersched zwösche Seife ond Cherze ned könnsch.
"Polizei muess häre, mis Outo esch klaut!"
Seits s'Stächer Ursi ond wörkt e chli alt.
Sis Outo esch wäg, das verdröckt ehm fasch s'Härz,
ou sösch hets im Chöpfli e pochende Schmärz.
"Ursi, giess nor no so föu hender d'Bende,
dass Du am Morge dis Outo chasch fende.
Das ewig alte Schiessplatzproblem
beschäftiget der Dinu extrem.
S'Schötzehuus het är jo killt,
Gonzge sig z'tüür, schiins wäri Fulebach gwellt.
Velecht gobs im Kanton no gönschtigeri Priise,
z'Mahrelöchli, z'Wäuscherohr oder velecht ou z'Wiise!
Es wärdi nüt me funktioniere.
Computer wärde kollabiere.
Alli sige fausch programmiert.
Ond - was esch - nüt esch passiert.
Der Gmeinroot het im Minimom
set zwöine Johr Millenium!
