Play
Zwergelied
Zwergelied
Refrain:
E Zwärg isch grösser aus me glaubt
E Zwärg ischs gröschte überhaupt
E Zwärg isch vom ne andre Stärn
E Zwärg hets Schneewittli gärn
E Zwärg fühlt sech nur z'Siebte wohl
am liebschte mit chli Alkohol
Ä Zwärg findet dumm schnuure cool
het mängisch no chli Schnupf ums Muul
Zwärge fint me säute duss,
wenn scho, denn scho hindenuss.
Zwärge chöme schnäu in Not
Glich wie öise Bundesrot.
Zwärge si nid Biireweich,
mache aber gärn chli Seich.
Zwärge hei kei Frou dehei,
mache drum ou nie e Schtei.
Refrain:
E Zwärg isch grösser aus me glaubt
E Zwärg ischs gröschte überhaupt
E Zwärg isch vom ne andre Stärn
E Zwärg hets Schneewittli gärn
Der Blocher isch zum bloche do,
Twanner isch zum choche do,
es Ässe isch zum gniesse do.
Penouti - si zum verschiesse do.
Der Gmeindrot wär zum dänke do.
Schtüre si zum sänke do
Rate si zum zahle do
der Schtammtisch isch zum prahle do.
E Hund isch zum biisse do,
String si zum verrisse do,
Viagra si zum nütze do,
Pariser si zum schütze do
Refrain:
E Zwärg fühlt sich nid wohl dehei
E Zwärg chunnt säute ganz allei
E Zwärg isch es Rudeltier
E Zwärg het gärn Schnaps und Bier
Und wenn e Zwärg denn mou lid flach
Denn küsst me ne ganz eifach wach
S Schneewittli macht das schampar guet
Jedi andri au – s bruucht nur chli Muet
s bruucht nur chli Muet
Play
E goh is Frohsinn
E goh is Frohsinn ond bi gschockt o Gruus.
Zieht ächt der Frohsinn-Dani us?
S'het Lüt dört met Kombi, wo 90° chasch wäsche.
Met Wärbig am Rögge ond Metertäsche.
Doch haut – das si gar keini Zügumanne,
das si paar Pflotscher wo omehange.
Play
Der Mitugöibach
Der Mitugöibach wird jetz saniert.
Doch loset, was aus a däm Bach passiert.
Granium, Rüschtete, Garteabfäu,
aus wird as Bord gheit, dasch gruusig gäu.
Es bitzeli Ornig ha wäri doch glatt.
Das göut ou för d'Aaschtösser i der Grossmatt!
Der KTV putzt ou im Herbscht wider hür
Das söu ou so bliibe, s'isch zwar e chli düür.
Chasch immer die gliche bim Bachputze gseh,
am meischte Lüt heig' is bim Znüni neh.
Play
Dä Swissair-Prozäss
Dä Swissair-Prozäss isch die gröschti Show,
es paar schteirichi Manne und d'Spörri als Frou.
Es isch es Knorz, e Zangegeburt,
die meischte döi schwige und säge keis Wort.
Für die Zangegeburt weisis dureschtiere,
dass si no Vaterschaftsurlaub kassiere!
Play
Wenn chli Iishockey chasch schpele
Wenn chli Iishockey chasch schpele
ond fründlech grüessisch ond gosch i' d'Chele,
chasch z'Oute Polizei-Schef wärde.
D'Frou Huet seit nei ond macht Beschwärde.
Der Fühwehrkommandant brengt's dick,
das sigi Mobbing, so schtoht's im Blick.
Der Zingg dä ärgeret sich zünftig:
"Das alles esch doch unfernünftig!"
Mer finde das Theater glatt,
das passt zor Bahnhof-Büffet-Stadt.
Play
Der Mechmed seit
Der Mechmed seit:" Voll krass, e wett,
uf mini Huus es Minarett!"
Klar voll geil, lit uf der Hand,
vor sini Huus e Kebabschtand.
Vor Gricht si d'Wangner wäg däm gange.
Doch der Mechmed, dä bliibt z'Wange hange.
Play
Der Roman Nick
Der Roman Nick duet schiins Nachtwandle,
me set ne gäge das behandle.
Denn ou z'Ägypte döi si lache,
Wenn är vor em Hotel duet verwache.
Wenn's nümm set cho zur Kataschtrofe,
setsch haut in Zuekunft ned blutt go schloofe.
Play
Der Roman Nick
Mer gäbes zue das esch doch e Seich,
das Rouchverbot das esch beereweich.
Ned wöu no heimlech rouckt mi Frou,
ned wöu's jetz nümm längt für d'AHV,
oue ned wäg de fählende Tubakschtüüre.
Nei – wöu jetz d'Roucher of de Balkön verfrüüre.
Play
S'esch scho ne Charmpf
S'esch scho ne Charmpf, so nes Huus i z'gröschte.
Im Furrer Franz si Crew ghört zu de Beschte.
Am Morge het der Chrigu en Uftrag gfasst,
bes Zobe hei si dr Hütte es Grüscht verpasst.
Si hei gjuflet ond knorzet ond aues gää,
doch d'Adrässe wär Waldwäg 12 ond ned 10.
Play
Blond esch är, der nöi James Bond
Blond esch är, der nöi James Bond.
Der Bader Christoph esch brun, fasch chli blond.
D'Rose-Röiber duet är packe,
hoppla - a de Füdlibacke!
Jetz b'schtöut är s'Bier schtatt tämperiert,
nicht geschüttelt, nur gerührt.
Play
Mer si doch sebe hübschi Zwärgli
Mer si doch sebe hübschi Zwärgli,
mer schaffe on schloofe hinderem Bärgli.
Bettina, s'Schneewittli isch Zunftkönigin,
flissig esch si ond het Disziplin.
Doch am Hilari het si ganz roti Ohre,
si het ihre Zunftkönigin-Bächer verloore.
"Drum Bettina merk der das,
e Königin luegt ned so döif is Glas."
