Play
Jo so sans
Ritterlied Fasnacht 2010
Jo so sans, jo so sans, jo so sans die alten Rittersläut
jo so sans, jo so sans, die alten Rittersläut.
Der alte Ritter Kunibert sieht zornig aus und hebt sein Schwert
Gschichten gibt's in unserem Land, ja die sind ihm wohlbekannt.
Z'Chappu het's z'Chappu het's zChappu het's ou alti Ritterslüt.
Z'Chappu het's zChappu het's ou alti Ritterslüt.
Der Walter ond der Veggi ond der Eugen ou.
De wär de no der Röbu der Röbu jo ond ou sini Frou.
Jo das si, jo das si, jo das si die alte Ritterslüt !
Jo das si, jo das si die alte Ritterslüt !
Z'Chappu het e Ritter d'Boukommission gfüehrt
Jetz het är doch dä Wenter der Bättu eifach anegrüert!
Jo das esch jo das esch jo das esch e jonge Ritte g'se
Jo är het, jo är het am meischte Schpeese gha!
D'Partei die vo der Zuekunft get's jetz z'Chappu ou.
Vier Maa si of der Lischte ond derzue e einzigi Frou.
Jo do esch, jo do esch, jo do esch e Ritter ou derbii!
Jo do esch, jo do esch e Ritter ou derbii!
Im Wilimaa het's ned glängt, för ehn esch das chli schad,
Vellecht brucht's haut för's nöchscht Mou s'dopplete a Wauplakat!
Oder muuesch, oder muesch, oder muesch haut schwarz ond Ritter sii
Oder muuesch, oder muesch haut schwarz ond Ritter sii!
Ja das si, ja das si ja das si die Chappeler Ritterslüt,
ja da si ja das si die Chappeler Ritterslüt!
Play
S'Anneli het
S'Anneli het e zwöier gschmisse,
i der dritte Klass das esch chli verschisse.
Der Merz sig Schef vo der Migro-Bank,
s'Matterhorn schtöigi z'Holderbank!
im Bundeshuus sigi s'Römerbad,
d'Frou Leuthard und der Blocher könnt's ned, das esch schaad.
"Anneli das längt bereits
IQ - mässig für Miss Schweiz!"
Wenn ned chasch läse und schriibe, denn chasch's probiere,
als Mister Schweiz chli abzganiere!
Play
D'Mättele ond d'Cone
D'Mättele ond d'Cone, e Sister-WG
schriibt aues is Facebook wo schtündlech tuet gschee.
Zom Biischpöu wi see der Wiehnachtsboum schmöcke,
s'Cherzehalter entwachse het ou sini Tücke.
"Der dörft Cherzehalter scho fotografiere,
eifach ned, was me met Cherze süsch no chönnt probiere!"
Play
D'Bränte-Zunft
D'Bränte-Zunft esch drissgi gse,
mer hei e Reis gmacht wo sech cha lo gseh.
Äggschen puur, das mer ned verroschte,
ou Wellness – mer hei n'is öppis lo choschte.
Hür wei mer schpaare, aber gliich öppis wo zieht,
nackt go wandere is Alpschteigebiet!
Play
Me cha jetz met em Bus
Me cha jetz met em Bus uf Bonige fahre,
so chasch der d'r Umwäg über Oute schpaare!
Dä Bus, dä esch zwar meischtens läär.
Die Linie esch – logisch, defizitär.
Wär wott scho e Fahrt uf Bonige gniesse?
do losch di doch gschiider uf e Mond lo schiesse!
Play
Chappu het
Chappu het, isch äch das gschickt?
Au Gmeinrööt bes a eine i d'Wüeschti gschickt.
Jetz hei mer e nöie Gmeindspresidänt.
D'r Schmidlin Rainer, dä isch komptänt.
D'Amis hei der Barack Obama
und Chappu het es Baracca-Drama!
Play
Öise OL - Franz
Öise OL - Franz esch fänomenal,
är holt Medallie um Medallie, Pokal um Pokal.
Orientierigslöif günnt är oder esch ganz voore,
ou jetz im Alter, bi de Seniore.
Wenn's Ursi seit, versorg ändlech s'Sportzüüg hinder der Türe,
denn duet är komplett d'Orientierig verlüre.
Play
Früecher het me
Früecher het me Gsüchti gha und Artrithis.
Höt gits e Chranket wo heisst:"I-Phonitis".
Höt duesch nümm Reise, höt duesch dschätte.
Höt duet me gugle nümme bätte.
Die alte Brüch die ändere sich ganz,
höt brucht me s' I-Phone wie ne Rosechranz!
Play
CD-Götti si die zwöi
CD-Götti si die zwöi.
De meischte esch das jo ned nöi.
Der Männerchor het jetz zwöi grossi Gönner.
Si hei das verdient, den si si jo ou Könner.
Wenn der Männerchor singt, macht das Fröid ond Schpass
Ond im Hanni wärde mindeschtens d'Ouge nass.
Play
Letschhin schpazier i
Letschhin schpazier i bem Cheleturm verbii,
ha eigentlech nur edli Gedanke derbii.
I däm Hus döi si der Herrgott loobe,
denn aues guete chunnt vo obe
do het e Tuube, vom Turm, ohni's z'wüsse,
im Fredhof-Presidänt uf d'Chappe gschisse!
Play
Der Enzo öise Risotto-General
Der Enzo öise Risotto-General
schafft i der Kantine z'Oute im Schpital.
Är cha choche und ou bache,
chasch ne bruuche zum komischi Föteli mache.
Und wenn's muess si haut ums verrecke,
loht är sech für das i nes Schpitaubett lo schtecke.
Play
Mer si gwappnet
Mer si gwappnet heisst öises Motto.
Jetz chönnti dä Steinbrück mit Kavallerie cho!
Die Dütsche hei'nems's grad säuber bsorgt
und hei ne bi de letschte Wahle enstsorgt.
Doch droht öis die Sach usem Rueder z'loufe,
denn di Dütsche wei schiins öisi Schnetzubänk choufe!
Tschengge hei einisch chli logisch dänkt
und hei e sone Höum im Berlusconi gschänkt!
Dä Höum, dä nüzt zwar nüt als Kondom,
derför gäge flüügendi Mailänder-Dom!
