Play
Fasnachtslied Söiborschte 2011
Fasnachtslied Söiborschte 2011
Der Köbu u dr Chrigu u dr Sepp
säge dr Schawinski esch e chli e Depp
Der Ueli Murer het doch grad e Krise öbercho:
"Wiso mues jetz dä Roger zrog zum Schwizer-Färnseh go?
Mer Bränte-Züntler döi das ned so g'seh,
jetz hed s'Färnseh no e Züri-Schnorri mee
So ne Tschop als Schuelhus-Abwart, dä esch schwär,
do muesch schlau si ond ou no autoritär!
Är brucht e Ruum, wo är för sech elei cha sii!
Wo är dänke cha und ehn ned öper stört derbii.
Wo me dosse chlopfe und ou warte set,
jää, het äch dä dört inne no es Bett?
Bim Mischel het der Sepp mou lo verlute,
jetz göi mer denn i d'Wüeschti chli go tschutte!
Dört het's e huufe richi Scheichs, die zahle öis jo alls.
Der Sepp dä seit:"Der Füessball gwinnt!" und macht e dicke Hals.
Der dritt vo Köbu, Chrigu oder Sepp,
heisst mit vollem Name FIFA Blatter Sepp!
Was der Marcel Walter Wyss jetz äntlich wett.
En Amme wo nach siner Pfiiffe tanze sett
Am Liebschte hät er eine eine vo der SVP
dä chönnt är denn so richtig under d'Fittiche nee.
Ob Köbu oder Chrigu oder Sepp
Eifach ned e z g'schiide, sondern chli e Depp!
Der Berlusconi dä seit: "sigger no,
ig zahle nid für Sex, das isch esoo!
Ig ha nor jungi Lüt so gärn und due si unterstütze,
das isch für jungi Lüt so guet und duet Famili nütze!
Und einisch unterstütze, dasch jo glaar,
kostet zwanzig dusig Stutz und das in bar!
Der Köbu seit zom Chregu, jetz werd's knapp.
Die Waffe-Iniziative mues bachabb.
Die chöi nis doch ned ou no s'letschte Matscho-Spöuzüg nää,
mer hei ne jo vor 40 Johr müesse s'Frouestemmrächt gää!
Mer müese jetz kei Pfäffer-Spray go boschte
ond s'Storm-Gwehr cha deheim im Chaschte witer roschte!
Play
Öise Zonft-Meischter
Öise Zonft-Meischter spöut Uni-Hockey, ganz verbisse
und het sech promt i d'Lippe besse!
Är mues go nääje, am liebschte ned z'wit.
Zum Spezialischt, das är ou e schöne blibt.
Und wär het dä Iigreff gmacht, wäreli wär?
Der Düggeli Peter, öise Veterinär
Play
Der Kanton het's verlangt
Der Kanton het's verlangt, das esch gsi z'erwarte,
für jedi Gmeind e Gfoore-Charte.
Z'Chappu esch aues im grüene Bereich
nor eis Huus esch g'färted ond das esch e Seich.
I der Gmeindsverwaltig het's voruss
Sandseck, gäge Gäldabfluss!
Play
Der Luca Della Giacoma
Der Luca Della Giacoma
esch e herte Iron-Maa.
Schwümme, bike, seckle ond
alles während fasch zäh Schtund
ond jedes Fürzli, wo n'är het lo fahre,
hei mer chönne, über Facebook erfahre!
Luca, di Leischtig chöi mer nie vergässe,
mer chönnte nor zäh Schtund Hawaii-Toast ässe.
Play
Wir sind Bischoff
"Wir sind Bischoff"! Blitzliechter döi bletze.
Der Zingg gsesch i der erschte Reihe setze.
"Bischoffschtadt"! Dasch fenomenal,
Oute esch nümm zwöiti Wahl!
S'schtöut sech do d'Froog, mer chöis ned begründe.
Het äch dä öpper gschickt, go d'Chele aazünde
Play
Jetz heimer s'Gschänk
Jetz heimer s'Gschänk, öb das werd houe?
Im Bundesrot het's jetz vier Froue!
Der Belli ond der Levrat, göi nand a Chrage.
Der eint seit: "Du lügsch", der ander: "E chlage"!
Der Ex, der Merz, dä miech das weisch
us em Ghadaffi bb bb Bündnerfleisch!
Play
D'Anwäut verdiene
D'Anwäut verdiene e huffe Gäut,
am längschte Schou-Prozäss vo der Wäut.
Är het schiins es dotze Geliebti g'ha,
derbi esch är nor e Kachel-Maa.
Dä Wätterfrosch cha kösse wär wöu,
bevor dä Prinz werd, chond är i d'Höu!
Play
Sesch lang so ne Tag
Sesch lang so ne Tag uf em Usflugsboot.
Der Heinz wet an Land, si Chopf esch scho rot.
Es goht ned vorwärts, das duet ne fruschtriere.
Drum duet är's uf der andere Site probiere.
Im Vögeli Heinz prässiert's haut sehr,
"plums" lit dä Mocke scho im Meer.
Play
Der Schulthess Urs
Der Schulthess Urs ond ou si Sohn,
boue beidi ohni Lohn.
Der Stefan het es Hus sich kouft
und luegt, dass of der Bouschtöu louft.
Das Hus das gseht jetz, chunsch no druus?
Grad wie d'Villa Wahnsinn us!
Play
Wie d'Sunne
Wie d'Sunne, dräie si au Tag d'Rundi,
ond hoffe dass das Wou-Wou pfundi!
Hundeflüschterer seit me dene,
wo's met Hönd schpeziell guet chönne.
Im Roli Biderbost däm zwäge,
chame Hundeschleipfer säge!
Play
Bim Aaschwenge
Bim Aaschwenge, scho früeh am Morge,
met Brienzer, Gamme, Wyberhoogge,
gsesch Hüfter, Chnöistech, Churz ond Lätz,
g'hörsch jodle zwüsche de Sagmäublätz
und s'seit kei Schwenger z'Frouefäld,
dass s'Schwenge vo de Froue fäut.
