Play
Fasnachtslied 2012
Fasnachtslied 2012
Melodie: Heicho, heicho
Nöi esch öise Hilari, z'Chappu i der Lende.
Nome chame keini Pflotscher, a däm Alass fende!
Refrain:
Heicho, heicho, heicho grad jetz………….
Dr Didier Cuche dä Superstar, muess höre dä armi Kärli.
Sis Mueti hets doch emmer gseit, Schifahre esch gfährli!
Heicho, jetz esch gnue, heicho jetz esch gnue
Heicho, heicho, heicho grad jetz………….
Micaela usem Dschungelcamp het zwöi schöni Ouge.
Mer hei das ned säuber gseh, ond döis im Sigi gloube!
Heicho, heicho, heicho grad jetz………….
Euroscherm statt Rägescherm, seit öis s'Angi Merkel.
Nom d'une pipe et trou de cul, seit dr Sarkozy das Ferkel.
Heicho, heicho, heicho grad jetz………….
Dr Omzog z'Chappu dä gets nöm, d'Gäscht si öis ned ghörig.
Drom göi mer jetzt a Gäu-Omzog, deheime si mer föhrig!
Heicho, heicho, heicho grad jetz………….
Dä Name vo dr nöie Gogge, fende mer sehr gschpässig.
Chappurigines riemt sech uf nüt, das macht öis zemli hässig!
Heicho, heicho, heicho grad jetz………….
Gopfredstotz es schneit fasch nie, das macht ehm so Chommer.
Am liebschte wör dr Bader no, schneeruume im Sommer!
Heicho, heicho, heicho grad jetz………….
Söiborschte ohni Grufti Fretz, goht das duet är sech froge.
Mer stöi jetzt do ond senge glich, ou wenn ehn das duet blooge!
Heicho, heicho, heicho grad jetz………….
Öisi Groppe macht vöu Schnetzubänk, döi nor die beschte senge.
Drom gets ou no d'Meschtchratzerli, die chöi dr Räschte brenge!
Play
D'Frou Hildebrand
D'Frou Hildebrand / das esch kei Wetz,
wott d'Höuge chufe / vom Grufti Fretz,
ond wöu mer nach der Fasnacht no / in Holywood döi senge,
hei mer gseit / si söu öis d'Stötz för d'Böuder doch in Dollar brenge!
Play
D'Pflotscher hei es Feschtli gmacht
D'Pflotscher hei es Feschtli gmacht,
hei planet ond hei aus dordacht,
si hei es grosses Zäut ufgschtöut,
wo platz het för die haubi Wäut,
e Musigalag, / s'esch ganz verreckt,
im Dorf hesch's ghört, / s'het aui gweckt,
worom nor hei si keini Gescht, / das duet se zemli breiche,
si zwöi Lüt cho, / doch die si nor schnäu vom Chäsi-Fescht cho seiche!
Play
Der Kurt ond s'Hanni hei Ferie gmacht
Der Kurt ond s'Hanni hei Ferie gmacht,
of de Seychelle go Touche / e wahri Pracht,
s'Hanni esch entzöckt / was bim Kurt so aus passiert,
onder Wasser regt sech öpis / sesch sis iPhone wo vibriert!
Play
Wöus der Anita so gfallt
Wöus der Anita so gfallt bim E-Bike teschte,
dänkt se, / e goh grad no schnäu goh boschte,
im Gäupark het si Schueh denn kouft / ond ufs Velo bonde,
doch leider hei die schöne Schueh / der Heiwäg nömme gfonde!
Play
Wenn der KTV duet Reisli mache
Wenn der KTV duet Reisli mache,
settsch vorhär luege, / sösch muesch lache,
dr Roli het onglich Söcke a / ond stöhnt; / "Die si so äng"
die schöne schwarze Zechenegu, / si doch 3 canti z'läng.
Play
Du hesch e Träne
Du hesch e Träne / i dine Ouge,
wenn s'Francine so luegt, / döi mer das gloube,
dr Flöru kifft sech vou ond spöut / ganz verreckt Gitarre,
ond dr Toni, / jo, dr Toni, / muess ellei goh Velo fahre!
Play
Die ERO macht öis ganz konfus
Die ERO macht öis ganz konfus,
s'Erröffnigsdatom / esch för öis e Grus,
z'Wange, z'Oute, z'Reckebach, / get's grad no nöie Belag,
ond för Chappu gets aus Troscht, / e nöii Lichtsignaualag!
Play
Die ERO macht öis ganz konfus
Dr Männerchor cha öberzüge,
duet i der erschte Rondi / ned useflüge,
rein optisch gseh meint Bränte-Zonft, / wenn der das Ding weit gwenne,
de müesst der öichi Chefin gschiider ganz elei loh senge!
Play
Der Berlusconi
Der Berlusconi / es esch perfid,
politisch Erfolg / met ganz vöu niid,
muess s'Parlamänt o Schreck / dors Hentertörli verloh,
ond seit / nach "Bungabungaparty beni weder do"!
Play
Dr STV darf jubiliere
Dr STV darf jubiliere,
met em Wy wei se brilliere,
mer gäbe öich Muet, / das chont scho guet, / der sit uf dr rechtige Fährte,
dä Wy esch wie dr STV, / cha nor no besser wärde!
Play
Trotz Schoude hei se e höchi Meinig
Trotz Schoude hei se e höchi Meinig, Trotz Schoude hei se e höchi Meinig,
das esch ned guet / si mer öis einig,
s'hät so vöu schöns ond tolls ond guets / i däm Land dört onde,
doch d Griche hei haut leider / leider / s'Schaffe ned erfonde!
