Play
Am Schmotzigdonnschtig im Zonftlokau
Lied (Melodie: Polo Hofer - Alperose)
Am Schmotzigdonnschtig im Zonftlokau
e super Stemmig jede weiss genau
nömm lang warte de eschs weder so wit
hoffentlech si öisi Bänk e Hit
Ir erschte Beiz wösse mers genau
s'Gfühl im Buuch esch mega flau
s'Publikom erwartet öis
ond mer hei gseit mer senge no eis
(Ref.)
S'Fasnachtsfieber hei mer im Greng
s'Fasnachtsfieber s'esch gäng wie gäng
s'Fasnachtsfieber muess das gsi siiii
ou mer si chrank dervo, ned nor e chliiiiiiii
Tolli Stemmig a der Fasnacht
nachdäm mer hei e Beizetuur gmacht
tolli Stemmig i jedem Saal
ond s'Publikom esch weder genial
Fasnacht esch haut wiene Süüch
drom chöme mer hüür ou zo üch
ond emmer wenn mer die Bööge gseh
esch es weder om üs gscheh
(Ref.)
S'Fasnachtsfieber hei mer im Greng
s'Fasnachtsfieber s'esch gäng wie gäng
s'Fasnachtsfieber muess das gsi siiii
ou mer si chrank dervo, ned nor e chliiiiiiii
Mer si jetzt fertig bitte göhit ned hei
machet witer der sit ned elei
mer göhi jetzt id Fasnachtsbar
folget öis aus grossi Schar
Eine hei mer gäng no gnoh
Gets es zwöits blibe mer no do
mer müesse goh es esch so wit
mer gsähi öis weder ir Fasnachtzit
(Ref.)
S'Fasnachtsfieber hei mer im Greng
s'Fasnachtsfieber s'esch gäng wie gäng
s'Fasnachtsfieber muess das gsi siiii
ou mer si chrank dervo, ned nor e chliiiiiiii
Play
Mer hei köndet ond grad no s'Huus verchouft
Mer hei köndet ond grad no s'Huus verchouft
im Chef usteilt, dass wäg ehm nüt louft
d'Stüürrächnig förs 13ni grad verresse
im Wettbüro grad ou no bschesse
im Nochber grad no s'Outo verbrönnt
Die Mayas hätte mer lieber gar ned könnt
wöu aues nömm wie vorhär esch, dasch truurig gopferdelli
Gloube mer ab sofort nor no im Kaländer vom Pirelli.
Play
Gmeindstüre löpfe das esch e seich
Gmeindstüre löpfe das esch e seich
D'Versammlig seit dasch Bereweich
dass Eusi Gmeinröt ehres Gsecht ned ganz döi verlüre
döi si jetz s'Schuelhuusprojekt chorzerhand igfrühre.
Play
D'Bräntevilla a der Chöubi bsueche
D'Bräntevilla a der Chöubi bsueche
ond derbi kei Franke bruche
es Pfand abgäh ond e Caipi bstöue
oder eifach vorem heigoh e Schoudschiin usstöue
do dermet wird ned uf d'Eurokrise reagiert
sondern dass au Johr ar Chöubi dr Bankomat ned fonktioniert
Play
100 Jahre STV
100 Jahre STV
Mer Söiborschte säge do nor WOW!
Zo däm Geburtstag muess es doch e Färs gä ganz e Runde
Nor hei mer Gopfredstotznomou kei gueti Puänte gfonde!
Play
D'SVP Chappu die esch ganz starch
D'SVP Chappu die esch ganz starch
s'Blettli wo se schecke goht dor Bei ond March
dr Gsöu ond dr Chrestoph … nei nor dr Bader
wei i Kantonsroot, denn werds z'Chappu fader
mer bette öich das esch kei Wetz, döit se bitte, bitte wähle
denn müesse mer öis wörklech nömm met dene omequäle.
Play
2 plus 3 get 6 ond 4 get 12
2 plus 3 get 6 ond 4 get 12, das esch doch klar
plus 4 wäg 3 ond 5 derzue das get grad 8 Paar
dä wo die Formle ufgstellt het, das esch e grosse Höud
dasch der Zähler gsi im Ständeroot, wo Stemme zämezöut.
Play
Gärtner si, das esch kei Schläck
Gärtner si, das esch kei Schläck
stecksch mängisch zemmlech döif im Dräck
zom dr Guethärz Simon usezieh, fahrt grad e Bagger a
aber bitte bhaut doch s'nöchschte mou, dini Schueh ond d'Hose a.
Play
Es Motorfahrerträffe
Es Motorfahrerträffe, das wär dr Hit
dänkt sech dr Roger ond nemmt sech Zit
lad i die aute WK-Frönde
met Laschtwage ond Grät, sech zäme z'fende
das ganze i der Uniform
was eg apacke wird guet, das esch doch d'Norm
das wird dr Hit, das esch genial, das vöut öis secher d'Kasse
nor muess är anes Hochzyt goh .ond duet sis Fäscht verpasse.
Play
Dr Gröschtbou Franz het es I-phone kouft
Dr Gröschtbou Franz het es I-phone kouft
dass bim Offerte schribe, no chli besser louft
statt Objekt go fötele het är home Button dröckt
ond promt si ehm nor Föteli vom eigne Grendli glöckt
Play
Dr Kassestorz, das esch ned rächt
Dr Kassestorz, das esch ned rächt
macht d'Cervelat vom Friedli schlächt
si säge drom das feine Brät duet öis der Mage dräie
doch einzig wenn der Schmetzer redt, denn rüefe mer de Chräie
