Play
z'Chappu wert bout, es esch grandios
z'Chappu wert bout, es esch grandios
Vöu Wohnige ond keis Schueuhus, das esch kurios
Dä Bouboom do mer wösses gnau, das loht üs speckuliere
Es riise Wachstom, fascht wie in Dubai, do muess s Kässele räntiere.
Play
Der Didier Cuche aus Wärbeträger
Der Didier Cuche aus Wärbeträger
D'Mobi fennt, dä esch der Fäger
D'Implenia wot das grad toppe, mer fende das riskannt,
heisi grad, s'heis aui gseh, e Outobahnbrogg grammt.
Play
D'Banke si för alli da
D'Banke si för alli da
Drom chasch bi ehne, fasch aues ha
Chonde-Date schecke per Internet, esch för d'Merkel wie Neuland
Drom macht jetz Coop-Bank, es esch genial, das grad per Postversand
Play
D'St. Gauer hei müeh, ond d'Aarouer ou
D'St. Gauer hei müeh, ond d'Aarouer ou
Ou d'Outner fende höchschtens, aus Tschugger e Frou
Wöu d'Zörcher im gliche Dilemma si, hei se e spezielli Idee
Aus Belohnig darfsch bir Jobzuesag, im Chilli's eini neh.
Play
Dr Studer Hans, mer wösse das
Dr Studer Hans, mer wösse das
Get öppe met sim Töffli gas
Ofem Heiwäg duet är gärn, die ganzi Stross denn bruche
Ond prompt muess är der Tschuggerei, is Röhrli ine huche.
Play
Z Chappu im Chrüz, heisi Zämekonft
Z Chappu im Chrüz, heisi Zämekonft
Dr chöit roote wär, (nei) ned d'Bränte –Zunft
S muess e GV si, s'wird drom reveriert
brav zueglost, ond weder diskutiert
wenn gnau luegsch gsesch, dass si aues Froue
döi die ächt s starche Gschlächt, id Pfanne houe
mer löses uf, dasch der Froueverein
nor ei Maa esch duldet, dä het es Schwein
är esch der Einzig ond gniesst das sehr, darf zmetz im Sääli hocke,
s' esch der Lädergärber Heiri, ond är het die schönschte Locke!
Play
(Mini Frou) wot scho weder, neui Schue go choufe
(Mini Frou) wot scho weder, neui Schue go choufe
Dassi im sexy-Röckli, cha omeloufe
Met dene Higheels-Tuning-Teili, eschs loufe scho famos
Drom bsuecht si schnäu, dass besser goht, e Migroclubschuelkors.
Play
Dr Sohn vom Tanti Pia Küpfer
Dr Sohn vom Tanti Pia Küpfer, Dr Philipp, dä wird grad Vater
Ond wöu Zermatt chli wit wäg esch, nemmt är e Taxi-Helikopter
Grad wöu Heli flüge zemmli choschtet, muesch dr Lori ned lang bitte
Chasch ned au Tag, ond erscht no gratis, is Wallis abe ritte.
Play
Dehei of fröscher Tat ertappt
Dehei of fröscher Tat ertappt
Goht dr Scherteleib, of Gängschterjagd
Doch die si schnäuer, das goht jo ned, är esch totau fruschtriert
Är het anstatt de Sprinterschläppli, nor d'Veloschueh montiert.
Play
Dr Ottmar het gnue, duet öis verloh
Dr Ottmar het gnue, duet öis verloh
Nach 6 Johr Nati-Trainer, mer chöis verstoh
Är mah nöm ond hört jetzt uf, me cha ehn nömme haute
Derför chöi sech jetze d'Speler, met em Trainer onterhaute.
Play
Z'Chappu hets sehr sportlechi Lüt
Z'Chappu hets sehr sportlechi Lüt
Sigs z'Fuess, per Velo, oder met Schwömmhüt
Dr aller fittischt wo mer hei, dä gsehsch nor vo hende
Metem Outo fahrt der Heiri Menth, vom Poschtblock bis id Lende.
