Play
Mer si heiss, der sits au
Lied: (Melodie: Helene Fischer – Atemlos)
Mer ziei e chli dor d'Strosse ond dor Beize vo der Gmeind
ond fende schnetzubänkle esch doch eifach megafein
Oho Oho
Mer lose e chli ome ond mer schriibes de chli uf
Mer senges zonere Melodie das get e feine Groove
Oho Oho
Aues was passiert bi eus
Schriibe mer denn uf för euch
Ond derzue e guete Reim
Esch doch megafein!
Gnadelos doch met Humor
Senge mer die Värse vor
Atemlos göih mer dor d'Nacht
Bis e neue Tag erwacht
Z'Zog do heisi gsoffe ond chli gfäschtet ofem Scheff
Ou do het doch eine grad e Grüeni chli im Greff
Oho oho
Im Bundeshuus zieht eini blank ond stöut das chli is Netz
Ond denn goht's los im Blick, e riesegrossi Hetz
Oho oho
Aues was passiert do Neus
Schriibe d'Medie uf för Eus
Ond de gets e riese Text
Ond emmer gohts om Sex
Gnadelos wird rescherschiert
Bis das niemer intressiert
Gnadelos der glichi Seich
Dasch doch eifach Beereweich
Mer si heiss, der sits au
Mer si z'Söiborschte genau
Los stöit uf klatschet met
Wöus öis geile Sieche get.
Mer si heiss, der sits au
Mer si z'Söiborschte genau
Los stöit uf klatschet met
Wöus öis geile Sieche get.
Play
Der froget öich was esch do loschtig
Der froget öich was esch do loschtig, das esch doch ganz banau
Doch d'Idee wo se het, e Frosch stigt i, die esch eifach geniau
Küss mich, esch s'Motto vo der Gogge, das müesst der eifach wösse
Dä Frosch wo seh deheime het, esch z'geftig zom goh kösse.
Play
S'Barbie vom Boumgartner-Clan
S'Barbie vom Boumgartner-Clan
Goht i Gäupark, metem MySign Wärbe-Van
Trotz so vöu Stress döi mer der roote, s'duet di weniger Närve choschte
Wenn d'Töre ned speranguwit off lohsch, wenn gohsch goh boschte
Play
E Bärglouf döi dr Luca ond dr Francois
E Bärglouf döi dr Luca ond dr Francois grad bestritte
Zwar haub so schlemm, nor z'Öschtrich oss, ned ide Dolomite
Nach KM 30, dr Francois seit, eg muess do schnäu abtouche
Ned öpe wägem brönzle nei, är muess e Zigi rouche.
Play
D'Somaruga meint es sigi drengend
D'Somaruga meint es sigi drengend
30% Frouequote, das esch zwengend
Ir Bränte esch das kes Problem, mer chöi die Quote stüüre
Meschtchratzerli hei mer scho gnue, ond die hei all Zickealüre.
Play
D'GGS choufts Färnsehnetz
D'GGS choufts Färnsehnetz
Meh Agebot ond Sänder hets
D'Gmeindarbeiter si dergäge ond döi das boykottiere
Sie houe eifach Kabu ab, bim Schneepföschte montiere.
Play
D'Promillegränze weder ufe setze
D'Promillegränze weder ufe setze
D'Omfau-Zahle säge, das wörd vöu nötze
Wöu mer Manne jetzt nach 2, 3 Glas, nömm säuber hei wei fahre
Löi mer d'Froue henters Stüür, das birgt no vöu meh Gfahre.
Play
Z'Vöu Promill das duet net guet
Z'Vöu Promill das duet net guet
D'Alkoholverwaltig duet
S'Domizil is Wäusche zögle, das duet sech zemlech lohne
Wöu schliesslech aui Söffle scho bereits dört onde wohne.
Play
Mänge frogt sech was das sett?
Mänge frogt sech was das sett?
Het s'Gäu jetzt neu es Minarett?
Die Betonpfieler ond dä Schacht, es esch e Sensation
Neuedorf suecht ganz verchrampft, e neui Attraktion.
Play
Dr Geri het das ned erwartet
Dr Geri het das ned erwartet,
Dass dr Blick wäg sine Selfies dore startet
Drom fende mer es esch jetz gnue, döit dä Geri nömme quäle
Stattdesse sett me ehn jetzt grad aus Ständer- Root goh wähle.
Play
D'ERO Oute esch dr Hit
D'ERO Oute esch dr Hit
Zom go schaffe eschs nöm wit
För Chappu esch das net so guet ond mänge fluecht im Chaare
Doch sit sechs staut chasch vor der Rose, i Berliner Drive in fahre.
Play
Mini Beiz ond dini Beiz
Mini Beiz ond dini Beiz
S'Chrütz macht met das het si Reiz
Faus d'Ischautquote fähle schlöi mer vor, das wär dr Plausch
Aus Wärbig, Peter scheck doch s'Edith mou zo Frauentausch.
Play
Ändlech esch weder Fasnacht
Einmarsch (Melodie: Die Toten Hosen – Tage wie diese)
D'Larve esch fertig, ond s'Koschtüm ou
Bi eus chribbelts öberau wie d'Sou
D'Bänk hemmer denne, ond heise güebt
Es get jetzt nüt meh, wo eusi Stemmig trüebt
Nor no chli warte, bes mer dörestarte ond denn gohts los
Nor no es Gläsli gäg s'Lampefieber das esch famos
Ändlech esch weder Fasnacht, do gäbe mer emmer Gas
Ändlech esch weder Fasnacht, mer si parat, so gloubet eus das
I dene Tage ond Nächte, wo eus so vöu versprecht
Erläbe mer nor s'Beschte ond s'esch kes Ändi in Secht
Zom Glöck gets z'Chappu, immer so Lüt
Ond mer erspare, dene wörklech nüt
Sigs a der Chöubi oder bim Jass
Mer gsäih aues, ond mängisch esch das krass
I Fettnapf trätte, wo sie ned sötte, nötze mer us
Sache mache, wo d' Lüt chöi lache, chöme mer drus
Ändlech esch weder Fasnacht, do gäbe mer emmer Gas
Ändlech esch weder Fasnacht, mer si parat, so gloubet eus das
I dene Tage ond Nächte, wo eus so vöu versprecht
Erläbe mer nor s'Beschte ond s'esch kes Ändi in Secht
Erläbe mer nor s'Beschte ond s'esch kes Ändi in Secht
